SJ Chrósćicy – BSV Sebnitz 4:0 (2:0)
Zestawa domjacych: Králíček – Janca, Runt, M. Zahrodnik, Matješk (87. Wornar), L. Zahrodnik (85. Handrik), Hawš, G. Zahrodnik, Młynk, Krawc (72. Sentiwan), Bogusz
Na sedmym hrajnym dnju běchu sej koparjo ze Sebnicy do Chrósćic dojěli. Hosćo njemóžachu w tutej sezonje hišće dobyć a steja w pincy tabulki. Trenar Pavel Runt njewidźeše žanu přičinu zestawu změnić a pósła tohodla samsnych jědnaćoch kaž w zašłej hrě na hrajnišćo.