Sokoljo bule pře lochko zhubili

wutora, 01. nowembera 2022
artikl hódnoćić
(0 )
W Ottendorfje móžeštaj so kapitan prěnjeho koparskeho mustwa Sokoła Ralbicy/Hórki Denny Gloxyn (nalěwo, Ralbicy) a třělc wrotow Pětr Domaška jenož jónu zhromadnje přez wrota wjeselić.  Foto: Konstantin Hrjehor W Ottendorfje móžeštaj so kapitan prěnjeho koparskeho mustwa Sokoła Ralbicy/Hórki Denny Gloxyn (nalěwo, Ralbicy) a třělc wrotow Pětr Domaška jenož jónu zhromadnje přez wrota wjeselić. Foto: Konstantin Hrjehor

ST Ottendorf-Okrilla – Sokoł Ralbicy/Hórki 2:1 (0:1)

Zestawa Sokoła: Chr. Gloxyn – Matka, An. Wałda, Šewc, Korjeńk, Domaška (36. B. Bejma), Al. Wałda, Hrjehor (38. Nuk), Šołta, D. Gloxyn , T. Bejma (76. Bejmak)

Sokoljo běchu minjenu sobotu pola sylneho postupnika z Ottendorfa-Okrille nastupili. Młode mustwo steji w prědnjej połojcy tabulki wokrjesneje wyšeje ligi a hraje spodobnu kopańcu, kaž dyrbjachu to Ralbičenjo zwěsćić.

Start pak běše za hosći optimalny. Pětr Domaška bu derje swobodny hraty, wuhra škitarja a trjechi rjenje ze zdalenosće 15 metrow k nawjedowanju. Domjacy pak njedachu so zatrašić a mějachu hnydom dobru składnosć, kotruž pak Christoph Gloxyn k róžkej storči. W běhu prěnjeho połčasa Ottendorf-Okrilla hru postaješe, tola před šěsnatku běše stajnje kónc. Ralbičenjo pak njemóžachu so prawje wuswobodźić, dokelž bule pře lochko zhubichu. K tomu tež njepolěkowaše, zo dyrbjachu Sokoljo Pětra Domašku a Kiliana Hrjehorja zranjenjow dla wuměnić. Jedna móžnosć pak so hosćom tola poskići, pospyt Tomaša Bejmy pak trjechi jenož žerdź.

wozjewjene w: Sport
Prošu přizjewće so, chceće-li komentar podać

Serbska debata

nowostki LND