ST Horni kraj Sprjewja –

ST Radwor 2:1 (1:0)

Zestawa hosći: Grenzemann – Schulze, Omran (72. Bauer), Mička, Wjacławk, Schöne (81. Castejon), Krječmar, Hetaš, Šnajder, Paška, Grubert

Na předposlednim hrajnym dnju podachu so Radworscy koparjo do Hornjeho kraja k sportowemu towarstwu Horni kraj Sprjewja. Polster k zestupnym městnam, kotryž běchu sej hosćo natwarili, bě nimale přetrjebany.

Na spočatku hry móžachu Radworscy koparjo hišće přećiwo domjacemu mustwu sobu dźeržeć, byrnjež wjace zakitowali, hač nadběhowali. Hišće do 1:0 za domjacych w 30. min. móžeše so wrotar Peter Grenzemann wuznamjenić a pokutny kop wotwobarać. Wot 30. min. pak dyrbjachu hosćo za zastatkom běhać a so wo wurunanje prócować. Tola hač do połčasa so wjele njesta.

Po znowazahwizdanju zakitowachu Radworčenjo zaso jara ćišće. We 58. min. poradźi so přećiwniskemu hrajerjej po flance 2:0. Bohužel padnychu wrota za hosći přepozdźe (81.). Po róžku Lucasa Castejona ležeše bul w klětce, po tym pak so ničo naspomnjenahódne wjace njesta, tak zo so domjacy nad woprawnjenym dobyćom wjeselachu.

Wolóžace dobyće za zdźerženje klasy

ST Radwor –