Dynamo w Rakecach

Prěnje koparske mustwo Dynama Drježdźany přijědźe njedźelu, 25. junija, do Rakec na přećelsku hru přećiwo tamnišemu prěnjemu koparskemu zastupnistwu, kotrež hraje w krajnej klasy wuchod. Zakop je w 15.30 hodź.

Rozsudny hrajny dźeń

Njebjelčanscy koparjo wostanu we wokrjesnej lize stafla II, jeli woni njedźelu přećiwo staflowemu dobyćerjej dypkuja. Partija hrajneho zjednoćenstwa Wóslink/Skaskow/Kulow II budźe njedźelu we Wóslinku.

17.06.  15:00  ST Horni kraj-Sprjewja –

  Módro-běli Kulow

17.06.  15:00  ST Ćisk – ST Radwor

17.06.  15:00  ST Hnašecy-Dobruša –

  Sokoł Ralbicy/Hórki

18.06.  15:00  SC Borea Drježdźany –

  SJ Chrósćicy

18.06.  15:00  Wóslink/Skask./Kul. II –

  ST Marijina hwězda

18.06.  15:00  SJ Njebjelčicy – Hlinowc

18.06.  15:00  SJ Chrósćicy II –

  Wojerowski FC II

Wulki swjedźeń w Delanach

„100 lět sport w Delanach“ swjeći sportowe towarstwo Sokoł Ralbicy/Hórki swjeći wot 30. junija do 2. julija. Na wšitkich třoch dnjach změja tam nimo wobšěrneho program runje tak skakanski hród, streetsoccer-hrajnišćo, wrotowu sćěnu, tombolu, kaž tež dalšu zaběru za dźěći. Cyłkowny program wozjewjamy přichodny tydźeń na sportowych stronach Serbskich Nowin.