Přihotowanski turněr přewjedli

wutora, 10. julija 2018 spisane wot:
Na přihotowanskim koparskim turněrje w Rakecach we wobłuku sportoweho swje­dźe­nja wobdźělichu so minjenu sobotu štyri cyłki. Z regionalneje ligi sewjero­wuchod běštej to Budissa Budyšin a Biskopičanske KT 08, z krajneje ligi Jednota Kamjenc­ a z wo­krjesneje wyšeje ligi Rakečanske ST. Prěnje połfinale dobychu Biskopicy­ přećiwo­ Budyšinej 3:0, druhe Rakecy přećiwo Kamjencej 1:0. W hrě wo tře­će městno přesadźi so Budissa přećiwo Jednoće z 1:0, a w finalu porazychu Bisko­picy hosćićela z 10:0. Na wobrazu přesadźi so nowopřichad Budissy Mateusz Ciapa (srjedźa) pře­ćiwo Kamjenskimaj hrajerjomaj. Foto: Torsten Zettl

Aktualna tabulka wólnočasneje koparskeje ligi (starych knjezow) WFV

1. Sokoł Ralbicy/Hórki 11 40 : 10 28

2. HZ Wojerecy/Wětnica 11 48 : 14 27

3. Módro-běli Kulow 11 20 : 11 21

4. LSV Hory 11 27 : 18 16

5. HZ Hórnikecy/Ćisk 9 24 : 24 13

6. Jednota Wojerecy  10 13 : 24 12

7. Aktiwist Wojerecy 10 30 : 47 12

8. HZ Rakecy/Šćeńca 9 13 : 19 10

9. HZ Bluń/Lubuš 10 13 : 20 7

10. HZ Lok Wojerecy 10 10 : 51 3


Sokoł Ralbicy/Hórki

– HZ Bluń/Lubuš 3:1 (2:0)

Zestawa domjacych: Měškank – Statnik, Brězan (30. M. Žur), Jakubaš (50. Serbin), Lulak, Brückner (60. Schultz), Hrjehor, Zynda, Bjeńš, Matka, Šołta (41. Šwejda)

Mustwo Satkule znowa wuspěšne

wutora, 10. julija 2018 spisane wot:
Horce boje při ćopłych wječornych temperaturach lubješe wčerawša třeća stacija bičwolejbuloweje tury Satkula w Jaseńcy. Něhdźe 70 přihladowarjow dožiwi třinaće­ mustwow w štyrjoch staflach na sportnišću při „Bjesadźe“. Mustwo Ječmjeń­ Jaseńca (na wobrazu) drje so na kóncu njepřesadźi, ćim bóle dypkowachu Jasčenjo jako wuběrni hosćićeljo. W napjatym finalnym boju přesadźi so mustwo Satkule z někotrymi podlěšenjemi přećiwo dotalnemu faworitej Dwójnej nuli II. Tak zakitowachu młodźi žurnalisća titul, kotryž běchu sej tydźenja w Hórkach zawě­sćili. Přichodnu póndźelu zetka so młodźina w Konjecach k hram w pěsku. Foto: Gloria Žurec

Serbska koparska wubranka žonow je so wčera ze Šwicarskeje nawróćiła. Tam bě z 19 hrajerkami, z trenarjom Pětrom Bejmakom a mustwowym nawodu Handrijom Rachelu wobdźělena na małym­ turněrje ze štyrjomi cyłkami (dwaj žónskej, dwaj muskej) w kantonje Graubünden.

Z Francoskej, Belgiskej, Jendźelskej a Chorwatskej steja jenož hišće europske wubranki w połfinalu swětowych koparskich mišterstwow. Pjatk popołdnju bě so Francoska jako prěnje mustwo za koło najlěpšich štyrjoch swětoweho cupa kwalifikowała. Équipe Tricolore přesadźi so přećiwo Uruguayjej z 2:0. W 40. min. nawjedowaše wona přez wrota Raphaëla Varany. Škitar dobyćerja champions league Real Madrid přetwori wólny kop Antoinea Griezmanna z hłójčku k 1:0. Wo 2:0 postara so Griezmann sam. Wón měješe nadobo přewjele městna a třěli bul cyle jednorje raz na wrota. Centralnje kulowata koža lećeše a tróšku zlětowaše. Třělwu wotwobarać njedyrbjało za wrotarja poprawom problem być. Fernando Muslera pak hrajny nastroj wopak powobliči, a tak skoči tón wot jeho rukow do syće.

Awtor dźensa

Toni Ryćer

Čłowjek njemóže so wo wšo starać. Předewšěm z časowych přičin dyrbimy wšědnje rozsudźeć, z čim chcemy so zmysłapołnje zaběrać. Tež hdyž nětko wjetšina čitarjow twjerdźi, zo sebi tola cyły čas po swojej woli zarja­dować njemóža, dokelž dyrbja mjez druhim na dźěło, je po mojim měnjenju kóždy­ sam za to zamołwity, što hdy čini.

Wuslědki (09.07.18)

póndźela, 09. julija 2018 spisane wot:

Kónčne tabulki dorosta Zapadołužiskeho koparskeho zwjazka WFV

młodźina D, wokrjesna liga, stafla 1

1. Motor Kumwałd 20 152 : 24 56

2. HZ ST Zeleno-běli Bukecy/

ST Kubšicy 20 246 : 26 55

3. HZ ST Traktor Malešecy/

Budissa 08 Budyšink 20 114 : 38 48

4. HZ Concordia Załom/

TSV 1859 Wjernarjecy 20 102 : 51 40

5. HZ ST Hnašecy-Dobruša /

Budissa Budyšin III 20 79 : 74 30

6. ST Wulka Dubrawa 20 77 : 143 27

7. TSV 90 Wjazońca 20 64 : 122 24

8. ST Bart 20 51 : 118 16

9. Wóspork/Hrodźišćo 20 40 : 117 11

10. SZ Wjelećin 20 26 : 104 10

11. ST 1922 Radwor II 20 42 : 176 9

młodźina D, wokrjesna liga, stafla 2

1. Zeleno-běli Sepicy 18 106 : 22 47

2. Arnsdorfske KT 18 120 : 38 40

3. ST Porchow II 18 84 : 42 36

4. TSV Wachau 18 67 : 40 35

5. ST 1910 Ramnow 18 56 : 38 33

6. SV Liegau-Augustusbad 18 40 : 57 27

7. FSV Bretnig-Hauswalde 18 38 : 65 23

8. SV Haselbachtal 18 24 : 79 10

9. HZ FV Ottendorf-Okrilla 05 II/

SV Hermsdorf 18 33 : 98 10

10. HZ SG Großnaundorf/

Lomnitzer SV 18 24 : 113 0

młodźina D, wokrjesna liga, stafla 3

1. HZ Natwar Němske Pazlicy/

ST Běła/Cunnersdorf 18 125 : 32 48

2. HZ Rakečanske ST/

ST Njeswačidło 18 115 : 42 45

3. HZ ST Lubuš/LSV Bluń 18  102 : 39 43

4. HZ Łaz/Běły Chołmc 18 117 : 59 39

5. ST Hlinowc 18 71 : 61 29

6. SJ Njebjelčicy 18 71 : 81 25

7. SJ Chrósćicy 17 47 : 76 16

8. HZ TSG Njedźichow/

ST Nadrózna Hrabowka/

ST Wětnica/Hola 18 39 : 106 10

9. Sokoł Ralbicy/Hórki 17 39 : 135 7

10. HZ ST Hlinowc II/

Zeleno-běli Halštrow 18 29 : 124 1

Strowja ze Šwicarskeje

pjatk, 06. julija 2018 spisane wot:
Serbska koparska wubranka žonow strowi ze šwicarskeho Laaxa, hdźež přebywa tele­ dny na wulkim sportowym podawku mjeńšiny Retoromanow Turnierada. Dźensa rano su koparki ze swojim trenarjom Pětrom Bejmakom a z mustwowym nawodu Handrijom Rachelu trenowali. Popołdnju wubědźowachu so na před­kołowych hrach turněra w bliskim Crap Griesu. Na kulturnym wječorku chcedźa so z dalšimi mustwami turněra bliže zeznajomić. Jutře planuja nimo kulturneho programa tež zhromadny rafting a wulět po retoromanskich wsach. Popołdnju wobdźě­la so na finalnej partiji turněra, hač ­jako akterki na trawniku abo jenož jako přihladowarki, to zhoniće póndźelu w našim wječorniku. Foto: Jörg Stephan

Swětowe mišterstwa w kopańcy su mnohim profijam krónowanje karjery. Tež sudnikam je to sobu najwjetši cil, kotryž móžeš docpěć. Runja druhim sudnikam dyrbjachu nětčiše mišterstwa w Ruskej tež němskemu refereejej dr. Felixej Brychej dalši wjeršk karjery być. Kaž pak smy předwčerawšim zhonili, dyrbješe wón hižo prjedy swoje kófry pakować, hač bě sej to myslił. Brych pak ze swojim teamom sam njeje. Swětowy koparski zwjazk FIFA je hižo tójšto dalšich sudnikow domoj pósłała. Wopodstatnjenja k jednotliwcam pak hišće žane dała njeje. „Přeběh tychle mišterstwow mje a mój team wězo wulce přesłapja. Žiwjenje pak dale dźe, a přińdźemy zaso“, měnješe němski koparski sudnik.

Sport (06.07.18)

pjatk, 06. julija 2018 spisane wot:

Přihotowanske koparske hry

07.07. 11.00 Jednota Kamjenc –

  ST Rakecy (w Rakecach)

07.07. 11.00  Budissa Budyšin –

  Biskopičanske KT 08

  (w Rakecach)

07.07. 12.15  přěhračkaj horjeka mje-

  nowaneju hrow

07.07. 13.45  dobyćerjej horjeka mje-

  nowaneju hrow

07.07. 13.30  SZ Žylow –

  FC Energija Choćebuz

08.07. 13.30  FC Energija Choćebuz –

  Dukla Praha

Šěsć dypkow winowatosć

Dźensa wječor we 18.30 hodź. hraje w Ralbicach prěni wólnočasneje ligi Zapadołužiskeho koparskeho zwjazka přećiwo wosmemu. Stara garda Sokoła Ralbicy/Hórki wočakuje koparjow Hrajneho zjednoćenstwa Bluń/Lubuš.

Turněr na trawniku wupadnje

Wolejbulowy turněr na trawniku we wobłuku Captainscupa we Worklecach jutře wupadnje, dokelž je so přemało mustwow přizjewiło. Bičwolejbulowy turněr za dwójki w pěsku pak budźe. Wšitke městna su mjeztym wobsadźene.

Póndźelu do Jaseńcy

nawěšk

nowostki LND