Budyšin (SN). Posledni oktoberski kónc tydźenja wočakuje nas kóžde lěto samsny ritual: W nocy na njedźelu přeńdźemy wot lěćneho časa na zymski. Lětsa je to w nocy na 25. oktobra. Njedźelu změjemy hodźinu wjace, wonu, kotruž smy w měrcu ze zahajenjom lěćneho časa wotedali. Oficialnje so časniki rano w třoch na druhu hodźinu wróćo stajeja.
Wot njedźele je wječor wo hodźinu prjedy ćma a rano hišće tróšku swětlišo. Mnohim ludźom je tele přestajenje časa napinace, wšako dyrbi so ćěło hakle na to zwučić.
Dalše nazymske koncerty
Budyšin. Po prěnich nazymskich koncertach slěduja njedźelu hnydom tři dalše. Na žurli Ćiskowskeho hosćenca „K zelenemu wěncej“ wustupitaj w 15.30 hodź. chór Židźino a dźěćaca rejwanska skupina drastoweho towarstwa. W samsnym času wuhotuje muski chór Delany we Worklečan hosćencu „Ke kupje“ zabawne popołdnjo. Hižo wot 14.30 hodź. poskićeja na woběmaj koncertomaj kofej a tykanc. W Christinowym dworje („Christinenhof“) w Turjeju zarejuje w 15 hodź. Rejwanska skupina Brětnja. Tež tu kofej a tykanc poskićuja. Pjatk, 30. oktobra, zwjesela hosći nazymski koncert w Hórčanskim Młynkec hosćencu, kotryž Wólbernosće wuhotuja. Přizamknu so reje.
Kermuška za młodostnych
Chrósćicy. Na kermušku Chróšćanskeje wosadneje młodźiny su wšitcy młodostni dźensa wječor wutrobnje přeprošeni. Z Božej mšu w 19 hodź so lětuša kermuška zahaji. Přizamknu so reje na Krawčikec žurli z kapału SerBeat. Zastup płaći štyri eura.
Pytaja požčonki
Pjatk 23.10. 19:00 Kermuška serbskeje młodźiny ze skupinu SerBeat na Krawčikec žurli w Chrósćicach
19:00 Wotewrjenje wustajeńcy „MIX15“ w Budyskim Kamjentnym domje
Sobotu 24.10. 11:00 Oktoberski swjedźeń w Krabatowym młynje w Čornym Chołmcu
19:30 Předstajenje NSLDź „Nic so smjeć“ w Sulšečanskim kulturnym domje
20:00 Koncert skupiny Strandlichter (něhdy Caffee Jazz) w Budyskim Kamjentnym domje
Njedźelu 25.10. 10:00 11. crossowy běh w Radworju
13:00 Wuměłske wiki na kuble w Gižkojcach
14:30 Nazymski koncert Židźinskeho chóra a dźěćaceje
rejwanskeje skupiny drastoweho towarstwa
w Ćišćanskim hosćencu „K zelenemu wěncej“
14:30 Nazymski koncert chóra Delany we Worklečanskim hosćencu „Při kupowym haće“
15:00 Nazymski koncert Brětnjanskeje rejwanskeje skupiny w Turjejskim hosćencu Christinenhof
17:00 Předstajenje NSLDź „Nic so smjeć“ w Radworskim hosćencu Meja
Póndźelu 26.10. 18:00 Koło serbskich spisowaćelow ZSW w Budyskej „Žonopowej stwičce“
19:30 Přednošk wo samozrozumjenju Islama w Budyskej ludowej bance
Wutoru 27.10. 11:00 Paslenje za dźěći w Dešnjanskim domizniskim muzeju
Njedźelu hornjoserbsce
11:00 Powěsće tydźenja
11:20 Nowe serbske hudźbne nahrawanja
11:45 Ze serbskimi wočemi: Tři lěta w Aziskej
12:00 Nabožne wusyłanje
(farar Gerat Wornar)
po tym Zbožopřeća
delnjoserbsce
12:30 Aktualny magacin, mjez druhim wo poswjećenju dwurěčneho narowneho kamjenja w Barbuce
13:00 Zajimawostki wo jatšobje 13:30 Nabožne wusyłanje
(dr. Christiana Piniekowa)
13:40 Zbožopřeća
Nowa wustajeńca
Budyšin. Přehladka z wuslědkami wuměłskich kursow młodźinskeho sociokulturneho centruma wotewru jutře w Budyskim Kamjentnym domje. Pod hesłom „MIX 15“ předstaja tam twórby něhdźe 30 ludźi, kotřiž zdźěla pod nawodom serbskich wuměłcow dźěłachu. Přehladka budźe hač do 17. januara na hornim poschodźe Kamjentneho domu přistupna.
Dźiwadło na wsy
Sulšecy. Po hižo wuspěšnymaj předstajenjomaj w Konjecach a Budyšinje su dźiwadźelnicy Němsko-Serbskeho ludoweho dźiwadła z nowej inscenaciju „Nic so smjeć!“ tež tónle kónc tydźenja zaso na jewišću. Tak dožiwiće komediju z pjera chorwatskeho awtora Mira Gavra w přełožku Lubiny Hajduk-Veljkovićoweje sobotu, 24. oktobra, w 19.30 hodź. w Sulšečanskim Kulturnym domje. Dźeń pozdźišo, njedźelu, w 17 hodź. rěka „Nic so smjeć!“ w Radworskim hosćencu „Meja“.
Štomy prawje wobrězować
Konjacy kónc tydźenja
Kamjenc. Cyle w znamjenju koni steji kónc tydźenja wot 23. oktobra do 25. oktobra w Kamjenskim jěchanskim klubje. Na tamnišej Grafec připrawje wotměja 20. halowy jěchanski a skakanski turněr. Hižo pjatk wot popołdnja w štyrjoch přewjedu dresurowej pruwowani klasy E kaž tež skakanskej wubědźowani klasy E. Sobotu wot 8 hodź. a njedźelu wot 8.30 hodź. čakaja na zajimcow na arealu při Njeswačanskej dróze wjacore dresurowe a skakanske wubědźowanja w klasach E do M kaž tež wurisanja wo myta.
Kak sej klanki sam zhotowješ
Slepo. Na dźěłarničku k zhotowjenju klankow po přikładźe serbskich powěsćowych figurow přeproša Serbski kulturny centrum w Slepom. Jutře, srjedu, 21. oktobra, wot 10 do 16 hodź. chce wšěm zajimcam, staršim kaž tež młodym klankotwarcam, designerka Regina Herrmann pokazać, kak tole z kwadratiskeho krucha płatu lochce sam zdokonješ. Z pomocu parličkow, jehličkow dalšich kóncow płatu abo kneflow móžeš sej swoju klanku po słodźe hišće dale porjeńšić. Za material měli sej dźěći 2,50 a starši pjeć eurow do kapsy tyknyć.
Socialne poradźowanje
Wojerecy. Socialne poradźowanje, předewšěm za přijimarjow Hartza IV, poskića wokrjesny radźićel Lěwicy Ralph Büchner zhromadnje z prawiznikom Gregorom Janikom zaso pjatk, 23. oktobra, wot 15 do 17 hodź. we wobydlerskim běrowje Lěwicy na Bonhoefferowej 4 we Wojerecach. Zajimcy njech so do toho telefonisce pod 03578 / 787 339 přizjewja.
Kermuška młodźiny
Raduš (SN). Wosebita wustajeńca „Silberrausch und Berggeschrey – Archäologie des mittelalterlichen Bergbaus in Sachsen und Böhmen“ na Radušanskim słowjanskim hrodźišću je chětro wuspěšna. To zdźěla towarstwo Słowjanske hrodźišćo Raduš. W meji wotewrjena přehladka pokazuje mnohe originalne, předewšěm drjewjane namakanki, pochadźace ze srjedźowěkowskich podkopkow pola Dippoldiswaldy a Niederpöbela w Rudnych horinach. Nětko, w nazymskich prózdninach, kotrež budu wot póndźele tež w Braniborskej, wočakuja tam 30 000. wopytowarja.
„Jara wuspěšna je wustajeńca awdioguida dla, hdźež namakanki z mnohimi filmami a animacijemi rozłožeja“, wujasnja Anja Bodschwinna, „přehladka so tuž za swójby z dźěćimi derje hodźi.“ Hač do kónca měsaca hišće je prezentacija wšědnje wot 10 do 18 hodź. přistupna.