Chlěb w srjedźišću
Wojerecy. Přichodne zarjadowanje w rjedźe „Zetkanišćo strowe zežiwjenje“ jutře, 30. septembra, w 19 hodź. na Wojeroskej dźěćacej a młodźinskej farmje steji cyle w znamjenju chlěba. Njedźichowski pjekar Tobias Wölkel porěči wo tym, kak w jeho pjekarni chlěb pjeku, a zapósłanc Sakskeho krajneho sejma Sebastian Fischer (CDU) předstaji někotre recepty w zwisku chlěbom. Wobdźělenje płaći wosom eurow na wosobu.
Na Serbske blido
Choćebuz. „Hry něhdy a dźensa“ rěka hesło přichodneho Serbskeho blida jutře, srjedu, we 18 hodź. w Choćebuskim Serbskim muzeju. Přeprosyli su sej Ursulu Starikowu z Janšojc, z kotrejž chcedźa so wo hrach za čas jeje dźěćatstwa rozmołwjeć. Nimo toho wěnuja so wopytowarjo hrě, kotraž je w kooperaciji ABC a Serbskeho muzeja nastała.
Stawizniske popołdnjo
Serbsce wo zelach
Wojerecy. Zela, jich serbske pomjenowanja a kak so wone wužiwaja, wšo to steji w srjedźišću sebskorěčneho koła jutře, wutoru, w 17 hodź. we Wojerowskim Domowinskim domje. Renate Scharfowa a Werner Böhme z Towarstwa za serbsku regionalnu kulturu zela předstajitaj a přeradźitaj recepty. Zajimcy su přeprošeni připosłuchać, ale tež woptać.
Z filmami Maje Nageloweje
Budyšin. Temowy wječor wo filmowym tworjenju Maje Nageloweje wuhotuje Budyski Serbski muzej srjedu, 30. septembra. Wot 19 hodź. pokazaja tam sydom krótkofilmow łužiskeje wuměłče. Zawod do jeje filmoweho dźěła poda kulturno-wědomostna žurnalistka dr. Grit Lemke z Berlina. Wšitke filmy traja dohromady něhdźe hodźinu.
Přednošuje wo chorosći
Kamjenc. Wo raku nadrow, móžnosćach hojenja a dalšim zastaranju paciantow porěči štwórtk, 1. oktobra, šeflěkar gynekologije Kamjenskeje chorownje dr. Rainer Kluge. Přednošk w foyeru chorownje započnje so we 18 hodź.
Rakecy. Na zjawne stawizniske popołdnjo přeprošeja župa „Jan Arnošt Smoler“, Rakečanske stawizniske towarstwo RAK a Domowinska skupina Komorow/Trupin/Rakecy 1. oktobra do Rakečanskeje Pawołskeje šule. Wot 15 hodź. přednošuja Annemarie Rentsch wo stawiznach němsko-serbskeje gmejny Rakecy, dr. Edmund Pjech wo šulstwje dwurěčneje Hornjeje Łužicy w 20. lětstotku a dr. Susanne Hozyna wo mytosu Krabata. Wšitke přednoški budu němskorěčne.
Hižo wot 14.30 hodź. předawaja šulerjo Pawołskeje šule kofej a tykanc. Smolerjec kniharnja poskići wuběr knihow. Zarjadowanje traje něhdźe dwě hodźinje. Zastup je darmotny.
Nowe spěwy Jana Cyža zaklinča
Budyšin. Składnostnje 210. posmjertnin molerja Hendricha Božidara Wjele wotewrje Muzej Budyšin jutře, 26. septembra, w 15 hodź. kabinetnu wustajeńcu mólbow, nastatych na pućowanju Wjele po Kawkazu. Inspirowany wot tychle wobrazow zbasni bywši Budyski wyši měšćanosta Christian Schramm před lětami teksty, za kotrež je Jan Cyž mjeztym melodije spisał. K wotewrjenju wustajeńcy tele spěwy prapremjernje zaklinča. Na klawěrje hraje Anja Konjen, spěwa Stefanie Hauptfleisch.
Dźěłarnička w „Jednoće“
Chrósćicy. Serbski folklorny ansambl Wudwor wuhotuje jutře, sobotu, wot 16 hodź. w Chróšćanskej wjacezaměrowej hali „Jednota“ dźěłarničku. Dokelž chce Wudworski ansambl dorostowy cyłk nastajić, su wšitcy, kotřiž so za serbske folklorne reje zajimuja, wutrobnje přeprošeni. Witani su holcy a hólcy wot 5. lětnika kaž tež młodostni. Zarjadowarjo wjesela pak so tež na něhdyšich Wudwor- skich rejwarjow. Zajimcy dóstanu dohlad do repertoira rejwanskeje skupiny a móža sej zwučowanje wobhladać. Po dźěłarničce čaka na nich mały přikusk.
Do Kulowa na piwo
Njedźelu, hornjoserbsce
11:00 Łužica tónle tydźeń z přehladom powěsćow tydźenja
11:15 Spěwy do nazymy
11:45 Recensija knihi Kita Lorenca „Wěsty dwustronski přinošk“
12:00 Nabožne wusyłanje
(farar Beno Jakubaš)
po tym Zbožopřeća
delnjoserbsce
12:30 Aktualny magacin, mjez druhim wo prezentaciji Serbskeje pratyje 2016 w Turnowje a komentar „Tak ja to wiźim“
13:00 Smogorjow něhdy a dźensa
13:30 Nabožne wusyłanje
(Manfred Hermaš)
13:40 Zbožopřeća
Pjatk 25.-27.9. Piwarniski swjedźeń w Kulowje
XII. mjezynarodny festiwal dujerskeje hudźby w Budyšinje
Sobotu 26.9. 9:00 Přirodowy a rybarski swjedźeń w Rěčicach
11:00 Wotewrjenje wustajeńcy twórbow Jana Hanskeho w Eisenhüttenstadće
15:00 Wotewrjenje wustajeńcy „Hendrich Božidar Wjela w Kawkazu“ w Muzeju Budyšin
15:30 Wodźenje na stawizniskich slědach po Njeswačile – započatk při radnicy
Njedźelu 27.9. 9:00 10. běrnowy swjedźeń w Njebjelčicach
9:00 16. dworowy swjedźeń na Rownjanskim Njepilic statoku
14:00 Nyšpor domchowanki z požohnowanjom konjacych zapřahow w Chrósćicach
16:30 Wotewrjenje wustajeńcy „Čestnohamtski angažement za ćěkancow“ w NSLDź
17:00 SLA předstaji swój projekt „Armida“ w NSLDź
Wutoru 29.9. 11:00 Wodźenje po Budyskej měšćanskej bibliotece
17:00 Serbske koło we Wojerowskim župnym domje
19:30 Zarjadowanje ze Steffenom Möllerom „Viva Warszawa – Pólska za pokročenych“ w Budyskim Kamjentnym domje
Srjedu 30.9. 18:00 Serbske blido w Choćebuskim Serbskim muzeju
19:00 Temowy wječor wo filmowym tworjenju Maje Nageloweje w Budyskim Serbskim muzeju
Pjatk 2. 10. 18:00 Syrisko-němski swjedźeń w Budyskim TiK
24.9.–30.9.2015: Man lernt nie aus: wšědnje 17 a 20 hodź. | pj a so 14:30 hodź. | nj 13:45 hodź. Tatort: Verbrannt: srj 20:15 hodź. Maze Runner: wšědnje 17 a 19:30 hodź. | pj a so 22 hodź. Everest: wšědnje 17 hodź. (nimo nj a pó) a 19:30 hodź. (nimo pó, wu a srj) | pj a so 22 hodź. | w 3 D Fack ju Göhte 2: wšědnje 14:30 hodź. (nimo štw, pó a srj), 17 a 20 hodź. (nimo wu a srj) | wu 19:45 hodź. | pj a so 22:30 hodź. Minions: so a wu 15 hodź. Hitman: Agent 47: pj a so 22:30 hodź. Maze Runner: wšědnje 14:30 hodź. (nimo štw, pó a srj) | w 3 D Minions: nj 12:30 hodź. | w 3 D Der kleine Rabe Socke 2: nj 12:15 hodź. | pj a nj 15 hodź. Pixels: nj 12:15 hodź. Sicario: srj 20:15 hodź. Jurassic World: nj 12:30 hodź.
Kino-ekstra: Für immer Adaline: pó 17:15 a 20:15 hodź.
Socialne poradźowanje
Budyšin. Wokrjesny radźićel Lěwicy a prawiznik Hajko Kozel přewjedźe jutře, štwórtk, wot 14 hodź. socialne poradźowanje we wobydlerskim běrowje Lěwicy na Šulerskej 10. Zhromadnje z w socialnym prawje wosebje wobhonjenym prawiznikom Gregorom Janikom skići wón pomoc při rozrisanju problemow, kotrež so často w socialnych prašenjach jewja. Zajimcy njech dojednaja sej termin pod telefonowym čisłom 0171/ 282 54 94.
Z fachowcom do hribow
Kamjenc. Na ekskursiju do hribow přeproša Kamjenski Muzej zapadneje Łužicy sobotu, 26. septembra, wot 14 hodź. Hromadźe z fachowcom a poradźowarjom kołowokoło hribow dr. Siegfriedom Holsteinom z Kinsporka budu wobdźělnicy w prěnim dźělu popołdnja hriby zběrać a w druhim je postajeć. Móžno tón dźeń budźe, čerstwe hriby sobu přinjesć a je wot fachowca postajić dać. Wobdźělenje płaći pjeć eurow na wosobu. Přizjewjenja přijimuja pod telefonowym čisłom 03578/ 7 88 30. Tam zajimcy zhonja, hdźe so ekskursija započnje.
Wustajeńca w cyrkwi
Smochćicy. „Moderne křižowe puće – grafiki, folije a akryle“ rěka wustajeńca, kotruž wotewru jutře, sobotu, w 19 hodź. w Smochčanskej cyrkwi. Přehladku pokazaja składnostnje pjatych posmjertnin dr. Dietmara Wapplera (1938–2010), kiž je eksponaty stworił. K wotewrjenju porěči Budyska galeristka Tanja Böhme, na klawěrje zahraje Astrid Wappler.
Dźakuja so publicistej
Budyšin. W juliju je městopředsyda Zwjazka serbskich wuměłcow Alfons Wićaz 70. narodniny swjećił. Dokelž bě to w dowolowym času, chce so ZSW jemu za lětdźesatki spomóžne dźěło w zwjazku a za skutkowanje jako serbski publicist a žurnalist ze zjawnym čitanjom z hudźbnym wobrubjenjom dźakować. Zajimcy su wutrobnje přeprošeni. Zarjadowanje wotměje so wutoru, 22. septembra, w 19 hodź. w Budyskim hosćencu „Senfstube“ na Hrodowskej 3.
Serbskej chóraj pódla