Dokal sej dojěć sněhakować?

srjeda, 02. februara 2022
artikl hódnoćić
(0 )
Serbska pjatka Tilo Žur, René Handrik, Jan Hrjehor, Pětr Šołta a Tomaš Šołta (wotlěwa) je njedawno w Kyrkonošach při najlěpšich wuměnjenjach před kulisu Sněžki sněhakowała.  Foto: Tomaš Šołta Serbska pjatka Tilo Žur, René Handrik, Jan Hrjehor, Pětr Šołta a Tomaš Šołta (wotlěwa) je njedawno w Kyrkonošach při najlěpšich wuměnjenjach před kulisu Sněžki sněhakowała. Foto: Tomaš Šołta

We Łužicy tučasnje sněhakować abo sankować njemóžeš, sněh prosće faluje. Tuž dyrbiš znajmjeńša hodźinu jězby z awtom na so wzać, zo by so raz ­prawje w sněze wucychnować móhł. Jurij Bjeńš­ je k tomu małe naprašowanje zestajał.

Sabina Hejdušcyna z Nowoslic: Njedawno pobych ze swójbu w Geisingu pola­ Altenberga. Tam smy cyły dźeń sanko­wali. Wosebje našej wnučce je so to jara lubiło. Lift drje tam žadyn njeje, spěšnje pak sej stajnje zaso na horu doběžachmy. Běše to woprawdźe lóštny dnjowy wulět.

Stanisław Šewc z Róžanta: Podach so z ćahom do Awstriskeje, hdźež přebywachmy z přećelemi w rjanej hěće. Dyrbju přiznać, zo koronapandemije dla trochu dwělowach, hač sej tam dojědu. Běše pak to prawy rozsud, dokelž dožiwich tam jedyn ze swojich najrjeńšich dowolow. Pisty běchu wulkotnje preparowane, a słónco nam rjenje swěćeše. Koronowych postajenjow dla su zawěsće mnozy doma wostali, a tuž njeběchu pisty ko­pate połne, kaž to hewak ze zymskich dowolow znaju.

wozjewjene w: Sport
Prošu přizjewće so, chceće-li komentar podać

nawěšk

nowostki LND