Testowu hru jasnje přěhrali

srjeda, 02. měrca 2022
artikl hódnoćić
(0 )
Wrotar koparskeho mustwa Chróšćanskeje SJ Petr Králíček Foto: Jörg Stephan Wrotar koparskeho mustwa Chróšćanskeje SJ Petr Králíček Foto: Jörg Stephan

Wojerowski FC – SJ Chrósćicy 4:0 (1:0)

Za SJ Chrósćicy hrajachu: Králíček – Zynda, Mark, M. Zahrodnik, L. Zahrodnik, Matješk, G. Zahrodnik, Młynk, F. Zahrodnik, Bogusz, Wornar, Matik, Mützner.

Při sylnym wětřiku přewjedźechu koparjo Chróšćanskeje SJ swoju testowu hru na kumštnym trawniku we Wojerecach. Tamniše mustwo je jedyn z faworitow za postup do krajneje klasy, štož wone tež wot spočatka pokaza. Tłóčeše hosći hłuboko do swójskeje połojcy a wuhrawaše sej ze spěšnej a techniskej hru dobre šansy. Chróšćenjo špatnje startowachu a njemějachu prawu kontrolu nad hrajnym nastrojom. Prěnje dobre šansy sej tak hosćićel wuhra a docpě w 27 min. nawjedowanje. Na to so Chróšćanscy hrajerjo zhrabachu a partiju hač do połčasa dominowachu. Dobre móžnosće pak mějachu přewažnje přez standardy, wěsta dokładnosć hišće falowaše. Tež domjacy wrotar zamó někotre třělwy wotwobarać. Hosćo sej přemało zwěrichu a tak zwjetša na sebi samych zwrěšćichu. Tuž njemóžachu dobru fazu z wurunanjom krónować.

wozjewjene w: Sport
Prošu přizjewće so, chceće-li komentar podać

Serbska debata

nowostki LND