Nadźije Energije dale wobsteja

wutora, 16. meje 2023
artikl hódnoćić
(0 )
Tim Heike trjechi wrota k wurunanju  Foto: Georg Zielonkowski Tim Heike trjechi wrota k wurunanju Foto: Georg Zielonkowski

FC Energija Choćebuz –

Čerwjeno-běli Erfurt 1:1 (0:1)

Zestawa domjacych: Bethke – Hasse (78. Kujović), Hildebrandt, Slamar (78. Heike), Borgmann, Eisenhuth, Hofmann, Oesterhelweg (67. Shcherbakovski), Thiele, Hottmann, Wähling (67. Badu)

To wšak njeje sej rekordna kulisa něhdźe 17 000 domjacych fanow Energije w Choćebuskim stadionje woprawdźe zasłužiła. Chowancy Energije wotedadźa při načolnej hrě přećiwo Erfurtej komfortabelny tabulkowy staw a z tym započina wulke třepotanje. Ale njedźiwajcy toho běše to kwalitatiwnje jara naročna hra. Sebjewědomi hosćo trjechichu jako prěni 1:0 a tutón předskok dołho jara derje zakitowachu. Domjacy namakachu jenož ćežko do hry, wšako hosćo jara efektiwnje w škiće agěrowachu. Po tym zo bě w 81. min. Energiji zbožo poboku, jako RWE w njepřewidnej scenje wonkownu žerdź trjechi, krótko do toho zaměnjeny Tim Heike fanow wumóži. Najprjedy Eric Hottmann na wonkownej poziciji zhubjeny bul energisce wróćo zdoby, po tym dósta Jonas Hofman kulowatu kožu. Jeho precizna flanka do centruma trjechi přiběžaceho Tima Heike, kiž docpě wuru­nanje.

wozjewjene w: Sport
Prošu přizjewće so, chceće-li komentar podać

Serbska debata

nowostki LND