W Pěskecach je so tradicionalny swjatkowny swjedźeń minjeny kónc tydźenja zaso wotměł. Kaž hižo loni njeje so jenož koparski turněr wjesnych cyłkow wuhrał, ale tež turněr starobneje klasy młodźiny E swjatki njedźelu. Wosom serbskich dorostowych koparskich mustwow bě Sportowe towarstwo Pěskecy přeprosyło. Na kóncu je mustwo Sokoła Ralbicy/Hórki zasłužene ze sydom dobyćemi w sydom hrach triumfowało. Za najlěpšeho wrotarja bu hrajer Sokoła Stani Žur wuzwoleny. Najlěpši hrajerjo běchu jich hnydom třo, Jurij Bětnar Sokoła Ralbicy/Hórki, Elias Jakubaš Sportoweje jednotki Chrósćicy a Martin Schlage Módro-běłych z Kulowa, kiž bě z wosom wrotami zdobom tež najlěpši třělc.
Znowa turněraj přewjedli
wutora, 30. meje 2023
1609
E-Paper: Serbske Nowiny 103
-
wulkosć pisma
Schriftgröße verkleinern
Schrift vergrößern
Pućowanski pokal, piwowy pokal a k tomu tež hišće dobyćersku trofeju za prěnje městno při 41. swjatkownym koparskim turněrje wjesnych mustwow w Pěskecach – Worklečenjo su wčera finalnu hru přećiwo Smjerdźečanam z 1:0 dobyli. Trofeje bě jim nowy předsyda Sportoweho towarstwa Pěskecy Fabian Korjeńk (naprawo) přepodał. Foto: Konstantin Hrjehor
wozjewjene w:
Sport
Prošu přizjewće so, chceće-li komentar podać
