ST 1922 Radwor – HZ Łaz/Běły Chołmc 2:0 (0:0)
Zestawa domjacych: Pěčak – B. Grubert, Šěrak, Wjesela, Mička, Buša, Adam, Nuk, Wjeńka (79. Wencel), Glücklich (90. Elsner), Dźisławk (81. Hetaš)
W domjacej hrě přećiwo cyłkej z Běłeho Chołmca chcyše mustwo ST 1922 Radwor pozitiwny trend pokročować a wažne dypki w pincy tabulki zběrać. Přećiwo direktnemu konkurentej měješe so wotstawk k delnim městnam tabulki powjetšić. To so na kóncu tež poradźi.
Partija bě so na woběmaj stronomaj kedźbliwje započinała. Mustwje so wobčuchaštej a so prócowaštej, žane zažne zmylki njeworać. Přiwšěm sadźi Radwor prěni wuwołak. Hižo w spočatnej fazy dóńdźe Julien Glücklich k wulkej šansy na wrota, trjechi pak jenož žerdź. Z tróšku wjace zbožom by domjace mustwo tu zahe nawjedowanje přewzać móhło. Po tym wuwi so wurunana hra z mnohimi intensiwnymi dwubojemi. Wobě mustwje spytaštej přeco zaso doprědka hrać, bjez toho zo byštej sej jasne lěpšiny stworiłoj. Radwor pokaza dobre započatki, mjeztym zo hosćo tohorunja stajnje zaso kałačiki sadźachu. Cyłkownje pak bě w prěnim połčasu mało jasnych šansow na wrota, tak zo dźěše z 0:0 do přestawki.
