Wšitke tři hry z najsnadnišim wuslědkom wušli

štwórtk, 21. junija 2018
artikl hódnoćić
(0 )
Cristiano Ronaldo (nal.) je wčera přećiwo Marokku jeničke wrota hry trjechił a nawjeduje nětko lisćinu najlěpšich třělcow ze štworymi wrotami.  Foto: dpa/MAXPPP Cristiano Ronaldo (nal.) je wčera přećiwo Marokku jeničke wrota hry trjechił a nawjeduje nětko lisćinu najlěpšich třělcow ze štworymi wrotami. Foto: dpa/MAXPPP

Portugal je w swojej druhej skupinskej hrě prěnje dobyće docpěł, a to 1:0 přećiwo Marokku. Hižo w 4. min. trjechi Cristiano Ronaldo. Po krótko wuwjedźenym róžku zhłójčkowa portugalski superstar bul do syće. Wón nawjeduje nětko lisćinu najlěpšich třělcow ze štworymi wrotami z dweju hrow na aktualnych swětowych mišterstwach a je dotal wšitke wrota za swoje mustwo třělił.

Tež wubranka Uruguayja je kaž wočakowano swoju druhu skupinsku hru dobyła. Chowancy trenarja Óscara Tabáreza přewinychu Sawdi-Arabsku z 1:0. Třělc bě něhdyši „kusak“ Luis Suárez. Wón steješe w swojej stotej hrě za narodne mustwo na prawym městnje a je bul po róžku do prózdnych wrotow sunył (23.). Kwalifikowanej za wosmifinale w skupinje A wubědźujetej so Uruguay a Ruska tuž póndźelu wo stafloweho dobyćerja.

wozjewjene w: Sport

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND