Z małym kadrom sej třeće městno wubědźili

wutora, 28. meje 2019
artikl hódnoćić
(0 )
Worklečanscy wolejbulisća su dalšu sezonu we wobwodnej lize wuspěšnje zakónčili. Znowa zaměstnichu so woni w načolnej skupinje.  Foto: Jörg Stepphan Worklečanscy wolejbulisća su dalšu sezonu we wobwodnej lize wuspěšnje zakónčili. Znowa zaměstnichu so woni w načolnej skupinje. Foto: Jörg Stepphan

W lěću 2018 sedźachu wolejbulisća Worklečanskeje Viktorije hromadźe při piwje, rěčachu wo zaměrach a šansach za nowe hrajne lěto we wobwodnej lize. Jednohłósny tenor diskusije bě: „To budźe jara ćežka naležnosć!“ Minjene lěta mjenujcy mějachu Worklečenjo takrjec abonement na titul wicemištra. Mnohim so zdaše, zo drje njebudu tajki wukon wo­spjetować móc. Staj dźě sylnaj hrajerjej Stephan Wjeńka a Jurij Lipič mustwo wopušćiłoj. Optimisća w mustwje pak sej prajichu: „Smy přeco hišće wukonliwi, mamy najlěpšeho přistajerja, sylneho diagonalneho nadběhowarja, mócnych wonkownych nadběhowarjow a angažowaneho libera. Dźěra w srjedźnym bloku pódla rutinowaneho kapitana dyrbimy z nowačkomaj wupjelnić. Kóžda pozicija pak je jeno z jednym hrajerjom wobsadźena.“ Moto za sezonu 2018/2019 tuž rěkaše: „Wostańće wšitcy strowi, potom mamy dobre prědnje městno zaručene.“

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND