HZ Łaz/Běły Chołmc – SJ Njebjelčicy 1:0 (0:0)
Zestawa hosći: Hahn (63. Ričel) – Kral, Hanuza, Gödig, Paulik, Čornak (46. Wagner), Domš, Plaettner, Haška, Schulze (73. Hrjehor), Korjeńk
Po dobyću přećiwo SJ Chrósćicam II podachu so koparjo Njebjelčanskeje SJ sobotu na dalšu dypkowu partiju do Łazka. A ta měješe wočakowany bojowniski charakter. Hosćićel wukonješe wot wšeho spočatka wulki ćišć. Robustne wašnje Njebjelčanam docyła njetyješe. Při tym małe přestawki wotběh přeco zaso tak mylachu, zo prawa hra njenasta. Woprawdźe strašne akcije pobrachowachu.