SJ Chrósćicy přihotuje nowu hrajnu dobu

štwórtk, 23. julija 2020
artikl hódnoćić
(0 )
Tež w Chrósćicach wjesela so koparjo a přihladowarjo zaso na tajke hrajne sceny kaž tu mjez Maksimilianom Zahrodnikom (nalěwo, Chrósćicy) a hrajerjom z Großröhrsdorfa. Foto:  Jörg Stephan Tež w Chrósćicach wjesela so koparjo a přihladowarjo zaso na tajke hrajne sceny kaž tu mjez Maksimilianom Zahrodnikom (nalěwo, Chrósćicy) a hrajerjom z Großröhrsdorfa. Foto: Jörg Stephan

Prěnje koparske mustwo Sportoweje jednotki Chrósćicy bě sezonu 2019/2020 po dočasnym kóncu na wosmym městnje w tabulce krajneje klasy zakónčiło. Wot 21. julija přihotuje so na nowu a zdobom pjatu sezonu w krajnej klasy, kotruž kónc tydźenja 5./6. septembra zahaja.

Stafla krajneje klasy budźe w přichodnej hrajnej dobje 16 mustwow wopřijimać. Tak přidruža so nimo postupnikow VfB Žitawa, ­Drohotka Ramnow a SV Sachsenwerk Drježdźany tež BSZ Sebnitz a SV We­senitztal krajnej klasy-wuchod. Na te wašnje Sakski koparski zwjazk ličbu ­mustwow we wšitkich štyrjoch krajnych klasach swobodneho stata wuruna. Hižo tydźeń do starta ligi přewjedu prěnje koło wo krajny pokal. W přihoće na nowu sezonu je nimo wjacorych testowych hrow tež zaso trainingowe lěhwo w pólskej Raszowje planowane.

wozjewjene w: Sport
Prošu přizjewće so, chceće-li komentar podać

Serbska debata

nowostki LND