Wurjadnje do turněra startowali

póndźela, 27. junija 2022
artikl hódnoćić
(0 )
Serbske mustwo je wčera w Globasnicy w swojej prěnjej hrě lětušeje europeady pola Korutanskich Słowjencow w Awstriskej přećiwo Cymbram z Italskeje nastupiło a hnydom 4:0 dobyło. Florian Šuliš (2. wotlěwa), Denny Kral (čo. 3) a Aleksander Wałda (čo. 17) su wuspěchej ze swojim zasadźenjom přinošowali. Dźensa popołdnju je wubranka hižo přećiwo Pomakam z Bołharskeje hrała a jutře w 17 hodź. nastupi wona přećiwo Romam z Madźarskeje. Serbske mustwo je wčera w Globasnicy w swojej prěnjej hrě lětušeje europeady pola Korutanskich Słowjencow w Awstriskej přećiwo Cymbram z Italskeje nastupiło a hnydom 4:0 dobyło. Florian Šuliš (2. wotlěwa), Denny Kral (čo. 3) a Aleksander Wałda (čo. 17) su wuspěchej ze swojim zasadźenjom přinošowali. Dźensa popołdnju je wubranka hižo přećiwo Pomakam z Bołharskeje hrała a jutře w 17 hodź. nastupi wona přećiwo Romam z Madźarskeje.

Serbske mustwo – Cymbrojo z Italskeje 4:0 (2:0)

Zestawa Serbskeho mustwa: Boese – Kral, Kobelt (77. Lobeda), Šwjela, Brühl, Glode (64. Hawš), Woko, Šuliš (77. Krötel), Wałda, Bogusz (64. Domaška), Krawčik (58. Rinza)

Při słónčnym wjedrje a něhdźe 31 stopnjach bě so Serbske mustwo wokoło trenarjow Franka Ričela a Svena Ballacka wčera do Globasnicy (Globasnitz) podało. Tam wočakowaše łužiskich koparjow prěnja skupinska hra přećiwo mjeńšinje Cymbrow z Italskeje. Tuta liči jenož hišće wokoło 400 rěčnikow. Skupina něhdźe 50 serbskich fanow je daloki puć do Korutanskeje na so wzała, zo by Serbske mustwo mócnje podpěrała. Hru před Karawankowskej hórskej panoramu je sudnik Markus Piuk w 17 hodź. zahwizdał.

wozjewjene w: Sport

Galerija

dalši wobraz (1) Něhdźe 50 serbskich fanow je do Korutanskeje jěło, zo by serbsku wubranku podpěrało, mjez druhim Renej Zynda, Clemens Škoda jako nawoda serbskeje delegacije (wotlěwa) a Józef Šwon (naprawo). Jörg Stephan
dalši wobraz (2) Sylny wukon je wčera w Globasnicy Chróšćan Jan Bogusz pokazał. Přećiwo Cymbram z Italskeje je wón dwoje wrota sam trělił a dalše přihotował .
dalši wobraz (3)
Prošu přizjewće so, chceće-li komentar podać

Serbska debata

nowostki LND