„To wšitko mje a moje žiwjenje wobohaća!“

srjeda, 16. januara 2019
artikl hódnoćić
(0 )
Rodźenej Němčance Beaće Čórlichec je kolesowanje najlubša disciplina při hoberskej dračinje na kupje Hawaii.  Foto: Jana Wersch Rodźenej Němčance Beaće Čórlichec je kolesowanje najlubša disciplina při hoberskej dračinje na kupje Hawaii. Foto: Jana Wersch

Beata Čórlichec so najebać přiběracu starobu lěto wot lěta na triatlonje Ironman polěpšała

Loni je so Beata Čórlichec, rodźena Němčanka, hižo štwórty króć za swětowe triatlonowe mišterstwa kwalifikowała. Ju­bilej­ny 40. Ironman pod tropiskimi temperaturami na kupje­ Hawaii w centralnym Pacifiku wotmě so srjedź oktobra. Beata­ Čórlichec je swój wosobinski cyłkowny čas porno lětu 2014 (11:30 hodź) stajnje dale wo dobru hodźinu polěpšała hač na lońši wurjadny wosobinski čas 10:27:37 hodź (płuwanje­­ w 1:20:10 hodź / kolesowanje w 5:16:29 hodź / marathonowy běh w 3:51:10 hodź). Porno cyłkownemu časej 10­:43 hodź w lěće 2017 je so tak hišće samo wo nimale dwaceći mjeńšin stopnjowała! Mjez 2 378 starterami, z tych bě 92 profijow­, docpě wona cyłkowne 1 031. městno. W swojej­ wose­bje sylnje wobsadźenej starobnej klasy 45-49 lět wobsadźi­ wurjadne 10. městno a na němskej runinje samo sedme. Z Němskeje je nimale 200 sportowcow, z nich sydom profijow startowało. Mjez 662 starterkami, kotrež tute­ ćežke wurisa­nje zmištrowachu, běše wona ze 129. městnom jara spokojom. Z nowym wosobinskim časom bě přewšo zbožowna.

wozjewjene w: Sport

Galerija

dalši wobraz (1) Beata Čórlichec je so loni w oktobru štwórty raz na swětowych triatlonowych mišter stwach Ironman wobdźěliła a z wosobinskim rekordom do cila doběžała.
Prošu přizjewće so, chceće-li komentar podać

nawěšk

nowostki LND