FC Energija móže tež w třećej lize wobstać

srjeda, 16. januara 2019
artikl hódnoćić
(0 )
Claus-Dieter Wollitz (nalěwo), šeftrenar FC Energije Choćebuz dźakuje so něhdy še mu prezidentej FC Energije Michaelej Wahlichej za energiju, kotruž je za łužiskich koparjow nałožił.  Foto: Georg Zielonkowski Claus-Dieter Wollitz (nalěwo), šeftrenar FC Energije Choćebuz dźakuje so něhdy še mu prezidentej FC Energije Michaelej Wahlichej za energiju, kotruž je za łužiskich koparjow nałožił. Foto: Georg Zielonkowski

Po chětro jasnym postupje FC Energije ze štwórteje do třećeje profijoweje kopar­skeje ligi Němskeje bě wšitkim jasne, zo čakaja na Choćebuskim kopa­rjow­ wyše naroki. Špatneho połoženja financow dla pak njemóžachu so z wulki­mi mjenami zesylnić.

Wobmyslenja so spěšnje zminychu, dokelž su hrajerjo FC Energije grandioznje do sezony startowali. Po přeswědčiwym 3:0 k za­zběhej doma přećiwo Hansy z Rostocka slědowachu tři dypki we Wiesbadenje a dypk při remisu 2:2 doma přećiwo jara dobrym hosćom z Unterhachinga, a to po zastatku 0:2 Hižo sonjachu někotři wo dalšim postupje do druheje ligi.

Hinak trenar Claus-Dieter Wollitz, kiž prědowaše jim dale bój přećiwo zestupej, a 53lětny měješe prawje. Wšako prezentowachu přichodne duele jězbu dele a horje. Njetrjebawše dypki wotedachu Choćebuženjo w hrach přećiwo cyłkam z Meppena, Münstera a Halle. Na tamnym boku pokazachu pasabelny wukon pola 1860 Mnichowa a w Karlsruhe. Najlěpšej partiji pak poradźištej so hólcam woko­ło kapitana Marca Steina při wonkownym dobyću 2:0 pola 1. FC Kaiserslauterna a krótko do hód pola FC Hansy Rostock.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND