Indiwidualne zmylki k dalšej poražce wjedli

wutora, 24. septembera 2019
artikl hódnoćić
(0 )

Drježdźanski SC – SJ Chrósćicy 3:1 (1:1)

Zestawa hosći: Králíček – B. Cyž (61. Žur), F. Cyž, Sentivan, L. Zahrodnik, M. Zahrodnik, Runt (80. Bogusz), G. Zahrodnik, Püschel, Henzl, Špitank (88. Matješk)

W Drježdźanskim Heinza Steyerowym stadionje čakaše na koparjow Chróšćanskeje SJ wažna hra. Přećiwo postupnikej DSC chcychu sej Chróšćenjo prěnje dobyće sezony zawěsćić. Hnydom z prěnjej akciju partije pak so předewzaće wo tójšto poćeži. Njepřewidnu situaciju w swojej połojcy njezamóchu hosćo wujasnić. Bul skoči 22 metrow před wrotami k domjacemu kapitanej, kiž jón z wurjadnej direktnej třělwu do šibjeńcy smokny. Wrotar Petr Králíček běše bjez šansy. W štwórtej hrě sezony běchu Chróšćenjo tak štwórty raz w zastatku. Reakcija pak běše pozitiwna. Nětko hosćo ceptar přewzachu a mějachu lěpše hrajne podźěle. Próca bu w 13. min. z tróšku zbožom mytowana. Po rjanej kombinaciji třěli Maksimilian Zahrodnik bul na wrota. Njedokładnu, za to pak wótru třělwu domjacy wrotar podhódnoći, tak zo dźěše wona k 1:1 do wrotow. Nětko chcyše SJC wokomik wužić. Bosćij Cyž a Pavel Runt pak na wrotarju zwrěšćištaj.

wozjewjene w: Sport
Prošu přizjewće so, chceće-li komentar podać

Serbska debata

nowostki LND