Abiturientki a wučerjo Serbskeho gymnazija wolejbulowy duel dobyli

srjeda, 24. junija 2020
artikl hódnoćić
(0 )
Kónc šulskeho lěta 2019/2020 su wučerjo a abiturienća Serbskeho gymnazija Budyšin při wysokim saku mocy měrili. Pedagogojo porazychu dwanatkarjow z 3:0. Wučerki pak podležachu maturantkam 0:2. Zady wotlěwa: Luiza Winarjec, Lea Krječmarjec, Noelia Brězanec, Nadja Šołćic, Tadeja Šeferec, Liza Hrjehorjec; klečo wotlěwa: Judith Škodźina, Juliana Rječcyna, Sylwija Rječcyna, Jana Štillerová, Sylwija Šěnowa, Alexandra Metzgerowa, Tereza Wićazowa a Gabriela Jendrewscyna Foto: Měrko Korjeńk Kónc šulskeho lěta 2019/2020 su wučerjo a abiturienća Serbskeho gymnazija Budyšin při wysokim saku mocy měrili. Pedagogojo porazychu dwanatkarjow z 3:0. Wučerki pak podležachu maturantkam 0:2. Zady wotlěwa: Luiza Winarjec, Lea Krječmarjec, Noelia Brězanec, Nadja Šołćic, Tadeja Šeferec, Liza Hrjehorjec; klečo wotlěwa: Judith Škodźina, Juliana Rječcyna, Sylwija Rječcyna, Jana Štillerová, Sylwija Šěnowa, Alexandra Metzgerowa, Tereza Wićazowa a Gabriela Jendrewscyna Foto: Měrko Korjeńk

Tradicionalny sportowy duel žónske­je a muskeje generacije při wy­sokim saku su dźens ­tydźenja na Serbskim gymnaziju Budyšin (SGB) přewjedli.

Z radosću zhonichu šulerjo a wučerjo Budy­skeho Serbskeho gymnazija powěsć z medijow, zo smědźa zaso sportowe wubědźowanja pod wěstymi předpisami hygieny přewjesć. Tak su tež spěšnje termin za tradicionelnej hrě při wysokim saku měli.

Zwjeselace z wida žónskeje generacije bě, zo je sportowa wučerka Tereza Wi­ćazowa hnydom sydom sobuhrajerkow za 11. wolejbulowy duel zorganizowała. Prěni tajki bě so 20. junija 2005 w małej sportowni Serbskeho šulskeho a zetkawanskeho centruma Budyšin wotměł, a tón dobychu tehdy abiturientki z 3:0. Tež tónraz běchu wone z 2:0 wuspěšne, hačrunjež njebě wukónc wobeju sadźbow z 25:22 a 25:18 tak jasny. Wučerki so mócnje wobarachu a so nad kóždej­ wuspěšnej akciju wjeselachu. Je zrozumliwe, zo njeběštej dokładnosć při přiwzaću nadaćow a sylnosć w nadběhu hišće wufilowanej. Wšitkim pedagogowkam słuša tule wutrobny dźak za jich anga­žement na wolejbulnišću.

wozjewjene w: Sport
Prošu přizjewće so, chceće-li komentar podać

Serbska debata

nowostki LND