Złoto dobychu holcy a hólcy 8. a 9. lětnika Serbskeho gymnazija Budyšin w regionalnym bičwolejbulowym finalu w Sprjewinej kupjeli. Woni pojědu 11. julija na sakske finale do Drježdźan. Stejo wotlěwa su to: Karl Krječmar, Niklas Wella, kapitan Florian Elsner, Damian Jurk; klečo wotlěwa: Chiara Korjeńkec, Tabea Mětec, Wanda Šwajcerec a Xenia Koberec. Foto: Maćij Čižank
Bičwolejbulisća 8. a 9. lětnika Serbskeho gymnazija Budyšin (SGB) dobychu w Sprjewinej kupjeli wuchodosakske finale we wurisanju „Młodźina trenuje za olympiju“. Woni postarachu so wo wosebity jubilej na serbskim kubłanišću, mjenujcy docpěće 40. sakskeho finala jednoho šulerskeho mustwa.