Šunowčenjo su to wšitkim pokazali

wutora, 19. julija 2022
artikl hódnoćić
(0 )
Při woblubowanym třělenju jědnatkow w Sulšecach wobdźělichu so nimo rekordneje ličby 20 mustwow tež tójšto přihladowarjow. W předkole a wosmifinalu běchu na dwoje wrota třěleli, wot štwórćfinala na jedne. Dobyli su lětsa prěni raz třělcy ze Šunowa. Konstantin Hrjehor Při woblubowanym třělenju jědnatkow w Sulšecach wobdźělichu so nimo rekordneje ličby 20 mustwow tež tójšto přihladowarjow. W předkole a wosmifinalu běchu na dwoje wrota třěleli, wot štwórćfinala na jedne. Dobyli su lětsa prěni raz třělcy ze Šunowa. Konstantin Hrjehor

Sobotu popołdnju bě so we wobłuku wjesneho swjedźenja w Sulšecach turněr w třělenju jědnatkow wotměł. Běše to hižo wosmy nakład tutoho zarjadowanja. Třělało běchu wobdźělnicy na dwoje wrota, kotrež stejachu na płoninje, hdźež tež cyły kónc tydźenja swjećachu. Wulke wrota běchu sej Sulše­čenjo w Kulowje pola Módro-běłych ­Kulow wupožčili. Dohromady bě so dwaceći mustwow pospytało. Někotre z nich buchu hakle krótkodobnje do starta wurisanja zestajane, tak zo runa ličba nasta. Tak móžachu w štyrjoch skupinach stajnje po pjeć mustwach wot pokutneho dypka třěleć. Samo žónske mustwo so muskich teamow njeboješe. Wone postara so tež wo te abo tamne zadźiwanje. Tak móžachu samo dypkować. Běše to hižo wulki wuspěch za nje. Zo při třělenju jědnatkow wšitko porjadne wotběža, ležeše k wulkemu dźělej tež na sudniskej štwórtce Julius Šnajder, Jonas Budar, Julius Nuk a Sebastian Brückner.

wozjewjene w: Sport
Prošu přizjewće so, chceće-li komentar podać

Serbska debata

nowostki LND