SJ Chrósćicy – Boreja Drježdźany 1:2 (0:0)
Zestawa domjacych: Králíček – Janca, F. Cyž, M. Zahrodnik, Kreuz (65. Rätze), L. Zahrodnik, Hawš (82. Mark), G. Zahrodnik, Młynk, Krawc, Bogusz
Na prěnjej adwentnej njedźeli přijědźechu koparjo Boreje Drježdźan do Chrósćic. Drježdźanscy su hižo wot pjateho hrajneho dnja načolnik tabulki. Z tym běchu tež jasny faworit w tutej hrě. Trenar Pavel Runt wočakowaše wot swojich chowancow jasnu reakciju na špatnu poslednju hru. Jenož hdyž Chróšćanscy bój přiwozmu a rozpalitosć na trawniku pokazaja, móža dypkować.