Dobry start ma so přihotować

štwórtk, 24. septembera 2015
artikl hódnoćić
(0 )
Praktiske pokazki lěpje na wužadanja powołanja pokazuja hač teoretiske rozjimanja. Praktiske zwučowanja zdobom tomu polěkuja, nawjazać mjezsobne kontakty a sej nazhonjenja a wočakowanja wuměnjeć. Foto: Jan Kral Praktiske pokazki lěpje na wužadanja powołanja pokazuja hač teoretiske rozjimanja. Praktiske zwučowanja zdobom tomu polěkuja, nawjazać mjezsobne kontakty a sej nazhonjenja a wočakowanja wuměnjeć. Foto: Jan Kral

Budyske powołanske wiki jako městnosć orientacije a pomocy

Z Budyskimi předewzaćelskimi dnjemi BUT su powołanske wiki hižo dlěši čas zwjazane. Pytać a namakać prawe powołanje dźě móže dobry zakład być, zo stanješ so z předewzaćelom.

Lětuše předewzaćelske dny, stejace pod hesłom „Nowe potenciale wotkrywać“, su w běhu třoch dnjow spytali nastorki­ dać k nowym idejam w hospodarstwje wokrjesa. Mjez druhim bě to zakónčenje wubědźowanja wo najinowatiwnišeho wučomnika. Zaměr bě, wučomnikow k tomu pohnuć, we wukubłanju dale sahace mysle wuwiwać a z wukubłanskim zawodom a powołanjom wušo hromadźe zrosć. „Zakłady za to kładźemy mjez druhim tu na powołanskich wikach. Chcemy přez zwisk młodych ludźi k powołanju a předewzaću zdobom zwjazanosć z regionom skrućić, zo wukubłani fachowcy w domiznje wostanu“, wuzběhny Alexander Scharfenberg ze zarjada za hospodarske spěchowanje Budyšina zmysł wikow.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND