Po zymskej přestawce so zaso přirodźe wěnować

štwórtk, 04. februara 2016
artikl hódnoćić
(0 )
Jutře wotewrje Stróžanski Dom tysac hatow rjad lětušich přehladkow z wustajeńcu „Serbske nałožki – serbske jutrowne jejka“. Foto: Maćij Bulank Jutře wotewrje Stróžanski Dom tysac hatow rjad lětušich přehladkow z wustajeńcu „Serbske nałožki – serbske jutrowne jejka“. Foto: Maćij Bulank

Stróža (SN/JK). Po zymskej přestawce je Stróžanski Dom tysac hatow biosferoweho rezerwata Hornjołužiska hola a haty wot wutory zaso wotewrjeny. Po planowanych ponowjenskich dźěłach prezentuje so dom nětko mnje tak kaž minjene lěta z mnohimi wotměnjawymi poskitkami. Nimo trajneje wustajency k biosferowemu rezerwatej su lětsa tři wosebite přehladki předwidźane kaž tež znowa naročne přednoški a kolokwije.

Zazběh lětušeho programa bě wčera wječor přednošk k zapućowanym družinam zwěrjatow, tak mjenowanym neocowam. Jutře, pjatk wotewru w Stróži prěnju lětušu přehladku – wustajeńcu k serbskim nałožkam z wosebitym widom na jutrowne jejka. Nawoda rezerwata Torsten Roch ju zhromadnje z Doroteju Čejkowej ze Spěchowanskeho kruha za serbsku ludowu kulturu a z regionalnej rěčnicu Domowiny Janu Pětrowej přepoda. Na wotewrjenje w 17 hodź. su hosćo a zajimcy wutrobnje přeprošeni.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND