Na swoje dramatiske połoženje skedźbnili
Budyšin (SN/BŠe). Jedyn cent dóstawa ratar za jednu běrnu, šěsć centow za škleńcu mloka, 27 centow za kusk swinjaceho mjasa – přemało. Buram so hubjenje dźe. Hižo měsacy so zas a zas wótře přizjewjeja, žadajo sej podpěru ze stron politikarjow. Dźensa su ratarjo po cyłej Němskej zjawnje swój protest zwuraznili, tež w Sakskej. Na pjeć městnach swobodneho stata, mjez druhim w Drježdźanach a Lipsku, su woni na akciskim dnju pod hesłom „Tole ratar woprawdźe zasłuža“ protestowali.