Budźe to hišće „horcy adwent“

štwórtk, 08. decembera 2016
artikl hódnoćić
(0 )

Sobudźěłaćerjo wulkich znatych hosćencow, kaž Mc Donalds, w Budyskim wokrjesu njetrjebaja so nadźijeć, zo wot noweho lěta wjace mzdy dóstanu hač hranicu 8,85 eurow na hodźinu.

Budyšin (SN/BŠe). Zwjazkowe zjednoćenstwo systemoweje gastronomije (BdS), ke kotrymž tež marki Burger King, Nordsee abo Mc Donalds słušeja, so w tuchwilnym tarifowym kole raznje spjećuja swojim sobudźěłaćerjam wjace mzdy płaćić. Tole zdźěli dźěłarnistwo za zežiwjenje a hosćency (NGG). Po jeho měnjenju měli přistajeni wjace pjenjez hač tuchwilnu minimalnu mzdu za swoje dźěło dóstać. Jeli dźěłodawarjo skónčnje akceptabelny poskitk njepředpołoža, budźe to za nich hišće „horcy adwent“, kaž NGG zdźěli. Dźěłarnistwo planuje protestne akcije we wjacorych městach. Přiwšěm je NGG dale zwólniwe z dźěłodawarjemi jednać.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND