Błótowski turistiski zwjazk z minjenej sezonu jara spokojom

Raduš (SN/BŠe). Z wida Błótowskeho turistiskeho zwjazka minjena sezona jara spokoja. „Na potencial chcemy klětu nawjazać, wšako nas motiwuje“, zdźěli sobudźěłaćerka zjawnostneho dźěła w turistiskim zwjazku Kora Kutschbach. Wu­tworić syće zajimow a ambicijow je so dale polěpšiło. Tak nastawaja pod třěchu Błótowskeho turistiskeho zwjazka dobre synergije, kotrež polěkuja imagej regiona. Jednotliwe zaměrowe skupiny zamołwići direktnje narěča. Dale přihotuja poskitki, při čimž so najwšelakoriše ideje turistikarjow do kooperacije zjednoćeja. Tak nasta mjez druhim zymska kampanja 2016/2017, z kotrejž wabja tež w zymnym počasu za atraktiwny dowolowy region Błóta.