Mjezy přesahowace zhromadne dźěło wolóžić

srjeda, 21. měrca 2018
artikl hódnoćić
(0 )
Wěžu při Feliksowym jězoru pola Bóšojc chcedźa hišće lětsa ponowić.  Foto: Jost Schmidtchen Wěžu při Feliksowym jězoru pola Bóšojc chcedźa hišće lětsa ponowić. Foto: Jost Schmidtchen

W geoparku UNESCO Mužakowski zahork maja lětsa wjele dźěła, kaž jednaćelka tamnišeho parkoweho zarjadnistwa Nancy Sauer rozprawja. Ćežišćo dźěławosće je harmoniske wuwiće cyłeho terena geoparka, kotryž němskej zwjazkowej krajej Braniborsku a Saksku z wojewódstwom Lubuskie w Pólskej zwjazuje.

Zakład skutkowanja je směrnica Europskeje unije z lěta 2006, wopisowaca Europu zwjazowace teritorialne zhromadne dźěło. Směrnica twori prawniske ramikowe wuměnjenja za to, załožić mje­zy přesahowacu organizaciju, z pomocu kotrejež je kooperacija móžna. Wosebje zesylnić chcedźa akterojo hospodarsku, socialnu kaž tež teritorialnu zwjazanosć. Za to trěbne su zmysłapołne naprawy, kotrež ćeže pomjeńšeja – předewšěm we wšelakorych regionalnych zarjadach, hdźež maja často wšelake předpisy ­a směrnicy. Hranicy krajow njeměli hižo zadźěwk być, tohodla wolóža směrnica EU teritorialne zhromadne dźěło.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND