We łužiskej jězorinje knihujomne poskitki lěpje namakać
Lubuš (AK/SN). Wopytowarjo łužiskeje jězoriny – na sakskej stronje – zhonja přichodnje wjele wědźenjahódneho wot městna k městnu, wo stawiznach, kulturje a regionje. Wo to stara so orientaciski system za motorizowany wobchad. Z 90 infotaflemi nastawa wón tuchwilu na 34 městnosćach wot Lejnjanskeho hač k Bjerwałdskemu jězorej. „To je dalši trěbny krok we wuwiću cyłeje jězoriny. Je wažne, zo nas namakaja“, podšmórny Budyski krajny rada Michael Harig (CDU), předsyda zaměroweho zwjazka Łužiska jězorina Sakskeje, wčera na oficialnym zahajenju projekta w Lubušu.