Zwiskido Pólskejemaja so polěpšić

póndźela, 28. meje 2018
artikl hódnoćić
(0 )

Budyšin (SN/BŠe). Wot změny jězbneho plana lětsa w decembru poskića 26 žele­z­niskich zwiskow do Pólskeje. Město toho­ pak budźe jenož jedna busowa čara mjez Zhorjelcom a Zgorzelecom, zdźěli minjeny pjatk zaměrowy wobchadny zwjazk Hornja Łužica-Delnja Šleska (ZVON). Poskitki su tuž chětro přewidne. Do směra na Čěsku to cyle hinak wupada. Čěskej partneraj Liberecski a Ústíski kraj stej do jednanjow nastupajo syć we wuchodnej Sakskej sobu zawjazanej. Mjezy překročace železniske zwiski su tak wotpowědnje zwoprawdźomne.

Tež hladajo na busowy zwisk je hižo někotrych poskitkow. Zhromadne dźěło z pólskimi partnerami pak je financnych a zakonskich přičin dla trochu wob­ćežniše.

Wid na bliskowobchad mjez Němskej a Pólskej wšak njeje nowy. Hižo w dotal přewjedźenych projektach je so ZVON z wuwićom zwiskow do susodneho kraja zaběrał. Wuslědk projekta Śnieżka je, zo bu železniska čara mjez Drježdźanami a Wrócławjom wožiwjena. Mjeztym planuja elektrifikaciju syće w Pólskej. Tak ma so znowa wo poskitkach rozmyslować.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND