Tema strukturneje změny wčerawšu 14. łužisku konferencu DGB postajała

Čorna Pumpa (JoS/SN/at). 14. łužiska konferenca Němskeho zwjazka dźěłar­nistwow (DGB) steješe wčera w Čornej Pumpje cyle w znamjenju trěbneje strukturneje změny. Za nju žada sej DGB skónčnje strukturu. To bě hłowne poselstwo dnja.

„Termin 1. oktobra smy wědomje wuzwo­lili“, rjekny Christian Hoßbach, předsyda DGB wobwoda Berlin-Braniborska, „sprěnja je dźensa prěni 500megawattowy blok Janšojskeje milinarnje do wěstotneje rezerwy přešoł. Srjedu swjećimy 28 lět jednoty Němskeje. Z hospodarskeho wida njeje to najwjetša přiči­na swjećić. Tójšto je tu hišće činić.“ DGB je so hižo jara zahe temje strukturneje změny přiwobroćił, formulujo za to ideje a žadanja.