K dnjej žonow žadaja sej zakonski narok na jenak wjele mzdy
Budyšin (SN/JaW). Mužojo a žony měli na dźěłowych wikach w Němskej runohódni być. Wo to měli so zamołwići na wotpowědnych městnach hišće sylnišo prócować. To žada sej dźěłarnistwo Cyrobizny, požiwadła a hosćency (NGG) składnostnje njedźelneho Mjezynarodneho dnja žonow. Předewšěm měrja so dźěłarnicy NGG na powołanja w branši. „Njeje móžno, zo su žony na dźěłowych wikach přeco hišće wo tójšto hubjeńšo stajene hač jich muscy kolegojo. Mnohe zawody w regionje njewuwaženosć mjez mzdami žonow a muži znjewužiwaja, byrnjež wjace płaćić dyrbjeli“, kritizuje sobudźěłaćer dźěłarnistwa NGG za region Drježdźany-Kamjenica, kotremuž tež Hornja Łužica přisłuša, Volkmar Heinrich.
