Łazowski Dewitzowy kamjeń nowe stejnišćo dóstał, při čimž su mnozy pomhali
Cyłkownje 12,8 tonow zornowcowy błudźenk waži, pochadźacy z bywšeje Łazowskeje brunicoweje jamy. Bronzowa tafla wabi k tomu, sej informacije dokładnje přečitać. „Za něšto lět njebudu so nas hórnikow hižo za tym prašeć, kelko pódy smy pohibowali a kelko brunicy wudobywali. Budu nas po tym hódnoćić, što smy zawostajili.“ Tak rěka w citaće Wolfganga Dewitza, kiž je wot lěta 1960 do 1986 brunicowu jamu nawjedował. Hač do dźensnišeho wužaduja jeho słowa hórnikow a tych, kotřiž krajinu po hórnistwje saněruja.
