Rjemjeslniske wiki wulce powabne byli

srjeda, 15. julija 2020
artikl hódnoćić
(0 )
Kurt Dobberschütz dźěłaše na wikach z mobilnym rězakom.  Foto: Michael Helbig Kurt Dobberschütz dźěłaše na wikach z mobilnym rězakom. Foto: Michael Helbig

Bórkowy (mih/SN). Ratarske wudźěłki a rjemjeslniske kmanosće su minjeny kónc tydźenja na mjeztym 19. błótowskich rjemjeslniskich a ratarskich wikach w Bórkowach widźeć a dožiwić byli. Najwšelakoriše twory za kuchnju a domjacnosć poskićachu tam ratarjo a producenća ze wšeho regiona. Woni přiwabichu ludźi z čerstwym chlěbom, mjedom, sadom a zeleninu, lanym wolijom kaž tež z błótowskim winom a palencom. Tež rjemjeslnicy běchu zaso pódla. Hornčerjo, rězbarjo, třěchikryjerjo ze sćinu a točerjo škleńcy pokazachu swoje zamóžnosće. Koronakrizy dla njebě lětsa žanych kulturnych přinoškow. Nimo toho běchu wiki dźělene: Rjemjeslnicy a ratarske zawody prezentowachu so na wulkim swjedźenišću, město toho zo dyrbjachu předawarjo napojow a jědźow zwonka naměsta wostać.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND