Wunoški su lětsa lěpše poručenje

pjatk, 24. julija 2020
artikl hódnoćić
(0 )
Miłočanska agrarna towaršnosć je minjeny dny ječmjeń žnjała. Z lětušim wunoškom su tam wjac hač spokojom. Jako přichodne su nětko zažne družiny pšeńcy na rjedźe. Hakle potom chcedźa so rěpikej wěnować. Tuž budźe nas wobraz syčomłóćawow a traktorow na łužiskich polach hišće chwilu přewodźeć. Foto: Feliks Haza Miłočanska agrarna towaršnosć je minjeny dny ječmjeń žnjała. Z lětušim wunoškom su tam wjac hač spokojom. Jako přichodne su nětko zažne družiny pšeńcy na rjedźe. Hakle potom chcedźa so rěpikej wěnować. Tuž budźe nas wobraz syčomłóćawow a traktorow na łužiskich polach hišće chwilu přewodźeć. Foto: Feliks Haza

Serbscy ratarjo su ječmjeń hižo dožnjeli a nadźijeja so dale dobreho wjedra

Róžant/Miłoćicy/Koćina (SN/JaW). Serbscy a hornjołužiscy burja liča z dobrym wunoškom žnjow. To zamołwići wjacorych ratarskich zawodow na naprašowanje Serbskich Nowin wobkrućichu.

Róžeńčanska agrarna AG Sorabia je na 176 hektarach nazymski ječmjeń do­žnja­ła, zdźěli jednaćel Matej Korjeńk. Nastupajo wunošk pak hišće prognozu nima. „Přerězk ječmjenja minjenych lět bě ně­hdźe 74 decitonow, štož lětsa cyle wěsće znowa docpějemy. Kwalita zorna je dobra, nastupajo wunoški smy w dobrym přerězku. Njemóžemy tuž skoržić.“ Po informacijach Korjeńka njemóžachu tam někotre dny žnjeć, dokelž njebě zorno hišće­ zrałe dosć. Wot póndźele pak zaso młóća, mjeztym tež triticale. Ručež su z tym hoto­we, pojědu do rožki, kaž Korjeńk při­powědźi. A hdyž wjedro wudźerži, chcedźa kónc tydźenja započeć rěpik žnjeć.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND