Planuja wšelake akcije poručenje

srjeda, 23. septembera 2020
artikl hódnoćić
(0 )
Sobudźěłaćerjo zawoda Budyski žonop su wčera druhi króć srjedź sprjewineho města stawkowali, zo bychu na swoje połoženje skedźbnjeli. 30 lět po přewróće hišće woni jasnje mjenje mzdy dóstawaja hač přistajeni předewzaća Develey na zapadźe Němskeje. Budyski zawod je jedne stejnišćo koncerna.  Foto: Carmen Schumann Sobudźěłaćerjo zawoda Budyski žonop su wčera druhi króć srjedź sprjewineho města stawkowali, zo bychu na swoje połoženje skedźbnjeli. 30 lět po přewróće hišće woni jasnje mjenje mzdy dóstawaja hač přistajeni předewzaća Develey na zapadźe Němskeje. Budyski zawod je jedne stejnišćo koncerna. Foto: Carmen Schumann

Budyšin (SN/BŠe). Přistajeni zawoda Budyski žonop, přisłušaceho předewzaću Develey, hižo wot póndźele stawkuja, zo bychu na swoju situaciju skedźbnili. Woni žadaja sej samsnu mzdu kaž sobudźěłaćerjo na zapadźe Němskeje. „Rozdźěle hač do 940 eurow su lózyskosć“, wuzběhny zastupowaca předsydka frakcije Lěwicy w zwjazkowym sejmje Caren Lay, kotraž je lětsa hižo druhi raz na městnje, zo by přistajenych fabriki podpěrała.

Zahajili su stawk předwčerawšim na Budyskich Žitnych wikach, hdźež su z ludźimi rěčeli a připóznaće žnjeli. Popołdnju zeńdźechu so před wrotami Budyskeho stejnišća. Wčera su so sobudźěłaćerjo znowa srjedź města zetkali. „Hač do pjatka su wšelake akcije předwidźane“, zdźěli Olaf Klenke z dźěłarnistwa Cyrobizny, požiwadła a hosćency (NGG), kiž jednanja ze zawodom nawjeduje. „Přistajeni nochcedźa hižo dźěławi druheje klasy być“, wón zwurazni. Nimo toho zasadźa so dźěłarnistwo za to, zo niše mzdowe skupiny přichodnje znajmjeńša dwanaće eurow na hodźinu dóstanu.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND