Start do noweje doby zahajeny poručenje

pjatk, 25. septembera 2020
artikl hódnoćić
(0 )
Na Kamjenskim lětanišću ma kompetencny centrum nastać, hdźež chcedźa wukonliwe truty wuwiwać a twarić. Wčera je syć akterow mjez druhim tež z Francoskeje, Pólskeje a Čěskeje swoje plany zjawnje přestajiła a wulke připóznaće žnjała. Přichodnje budu tower přetwarić, nowe labory a seminarska rumnosć wuhotować a hangar natwarić. Kamjenske lětanišćo budźe z kompetencnym centrumow wulki wuznam dóstać.  Foto: Bernd Goldammer Na Kamjenskim lětanišću ma kompetencny centrum nastać, hdźež chcedźa wukonliwe truty wuwiwać a twarić. Wčera je syć akterow mjez druhim tež z Francoskeje, Pólskeje a Čěskeje swoje plany zjawnje přestajiła a wulke připóznaće žnjała. Přichodnje budu tower přetwarić, nowe labory a seminarska rumnosć wuhotować a hangar natwarić. Kamjenske lětanišćo budźe z kompetencnym centrumow wulki wuznam dóstać. Foto: Bernd Goldammer

Na Kamjenskim lětanišću maja truty awtonomnje lětać móc

Kamjenc (BG/SN). Strukturna změna we Łužicy je so zahajiła. A naraz ma sto lět stare Kamjenske lětanišćo zaso přichod. Přichodnje ma so tam projekt zwoprawdźić, kajkiž njemóhł sej do wčerawšeho lědma štó předstajić. Lětanje bjez pilotow, kerozina abo bencina je so zahajiło a w Kamjencu nastanje kompetencny centrum za awtonomne a elektriske lětanje. Přemysłowe truty ze zamóžnosću enormne zdalenosće přewinyć budu bórze nad Kamjencom lećeć. Pozdźišo měli tež lětanske taksije k tomu přińć. „Lětanske město Kamjenc skići za to najlěpše wuměnjenja“, zwurazni prof. dr. Hubertus Domschke z Braniborskeje techniskeje uniwersity Choćebuz-Zły Komorow. Nimo toho dźe wo slědźenje we Łužicy. Tak ma w Kamjencu realny labor nastać, hdźež budu pod zakonskimi wuwzaćemi eksperimentowanske pola za nowe wašnje lětanja přihotować. Na wčerawšej ­nowinskej rozmołwje k załoženju kompetencneho centruma za awtonomne a elektriske lětanje je so prawdźepo­dobnje start do noweje doby zahajił.

wozjewjene w: Hospodarstwo
Prošu přizjewće so, chceće-li komentar podać

nawěšk