Přemało wody, přirodni njepřećeljo a pandemija so wuskutkowali
Budyšin (SN/BŠe). „Lětuša rybowa sezona w Sakskej a Hornjej Łužicy njespokoja. Sčasami mějachmy wulke ćeže přemało wody dla, a hatarjo dyrbjachu reagować“, wuswětli prezident sakskeho rybarskeho zwjazka, Zhorjelski krajny rada Bernd Lange (CDU), na njedawnej digitalnej rozmołwje z nowinarjemi. W jednotliwych padach rozsudźichu swoje wodźizny nuzowje wułójić, dokelž njejsu ryby hižo dosć kislika měli. Nimo toho njejsu dosć rostli. „Tak je wunošk lětsa skerje přerězny“, Bernd Lange rozjasni.
