Předewzaće Ontex a IG metal wuchodneje Sakskeje kročitej nowe puće
Budestecy/Budyšin (SN/at). Nowe puće kročitej Budestečanske předewzaće Ontex hygienowe artikle Němska tzwr a industrijne dźěłarnistwo metal wuchodneje Sakskeje, zo byštej z kwalifikowanymi a motiwowanymi sobudźěłaćerjemi wobstaće zawoda do přichoda zaručiłoj. Partneraj stej minjeny pjatk prěni raz tarifowe zrěčenje přichoda za Zwjazkej sewjerowuchodneje tekstilneje a drastoweje industrije z.t. přisłušacu hornjołužisku twornju podpisałoj. Kaž ze stron IG metal rěka, je tarifowe zrěčenje přichoda z płaćiwosću třoch lět do wjacorych kapitlow rozrjadowane, a nałožuja je jeničce za Budestečanske stejnišćo Ontex.