Najwažniši dodawaćel wody w jězorach je Sprjewja

wutora, 22. decembera 2020
artikl hódnoćić
(0 )
Do Sedlišćanskeho jězora je lětsa šěsć milionow kubiknych metrow wody běžało. Najwjac wody pak dósta Bjerwałdski jězor. Foto: LMBV/Uwe Steinhuber Do Sedlišćanskeho jězora je lětsa šěsć milionow kubiknych metrow wody běžało. Najwjac wody pak dósta Bjerwałdski jězor. Foto: LMBV/Uwe Steinhuber

Za nastaće pohórnistwoweje krajiny z wjele jězorami je woda najdrohotniša. Zmysłapołne wodowe hospodarstwo je njeparujomne, za kotruž je wosebita přiliwowa centrala trěbna. Institucija je lětuše ličby nětko wozjewiła.

Zły Komorow (SN/BŠe). Wjac hač 58 mi­lio­now kubiknych metrow wody bu lětsa z łužiskich čisćenskich hrjebjow přez Łuži­sku a srjedźoněmsku towaršnosć hórnistwoweho zarjadnistwa (LMBV) do bywšich brunicowych jamow wjedźenych. Wo tym informuje přiliwowa centrala LMBV, kotraž je najnowše ličby nětko­ wozjewiła. Cyłkownje sydom milionow kubiknych metrow wody su zamołwići ekologisce znjesliwje z Nysy brali.­ Hłowny darićel wody pak je rěka Sprjewja, z kotrejež bu 39 milionow kubiknych metrow přez cyłe lěto wotwjedźenych. Čorny Halštrow je z dwanaće milionami kubiknych metrow třeći najwažniši dodawaćel. Wosebje w měsacach z wjele spadkami wodu wottam bjeru. Tež ze swójskimi rezerwami je LMBV k zapławjenju jězorow přinošowała.

wozjewjene w: Hospodarstwo
Prošu přizjewće so, chceće-li komentar podać

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND