Wohroženy lěs chcedźa na kóždy pad zachować

póndźela, 12. apryla 2021
artikl hódnoćić
(0 )
Z banerom skedźbnichu wobdźělnicy wčerawšeje protestneje akcije na wohroženy lěs, kotryž chcedźa na kóždy pad zachować. Tuchwilu wobsteji strach, zo chce koncern Łužiska energija a milinarnje přestrjeń wuswojić.  Foto: Markus Pichlmaier Z banerom skedźbnichu wobdźělnicy wčerawšeje protestneje akcije na wohroženy lěs, kotryž chcedźa na kóždy pad zachować. Tuchwilu wobsteji strach, zo chce koncern Łužiska energija a milinarnje přestrjeń wuswojić. Foto: Markus Pichlmaier

Rowno (SN/BŠe). Brunicowy koncern Łužiska energija a milinarnje (LEAG) je prěni raz hrozył, lěs blisko Wochožanskeje wuhloweje jamy wuswojić. Tuchwilu Cho­ćebuska wobswětowa skupina Zeleneje ­ligi ležownosć wotnaja. Wobswětoškitne zjednoćenstwo pak njeda so zatrašić ­a chce ze swojimi aktiwitami we wohroženym lěsu pokročować. Swoju zwólniwosć, dale za přestrjeń wojować, su hakle wčera zaso wobkrućili a protestnu akciju přewjedli. Tak přihotowachu za nju dźesać metrow dołhi baner z napisom „Njepředajomny“. Renej Šuster z Choćebuskeje Zeleneje ligi potwjerdźi, zo nima LEAG hižo dosć argumentow za hórnistwowu potrjebu ležownosće. „Tuchwilu dźě ani jasne njeje, hač móže koncern rekultiwěrowanje zapłaćić“, Šuster wčera wuzběhny. „Chcemy swój lěs zachować, zo njeby brunicowa jama hač do Rownoho abo Mułkec sahała.“ Tež pohórnistwowy jězor njeby potom hižo tak wulki był a přichodne hrožace kóšty bychu so pomjeńšili.“

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND