Dźěło jamy znowa přepruwować

srjeda, 05. meje 2021
artikl hódnoćić
(0 )

Rozestajenju pod aspektom wobswětoškita nastupajo Janšojsku brunicowu jamu je póndźelu nowy kapitl k tomu přišoł.­ Němska wobswětowa pomoc (DUH) a Zelena liga matej dalše přizwolenje jamy za njezakonske. Tak je DHU wobkrućenje znapřećiwjenja zapodała.

Berlin/Choćebuz (SN/at). Adresat wo­spjetneho znapřećiwjenja je braniborski Krajny zarjad za hórnistwo, geologiju a surowizny (LBGR). Kaž Choćebuska wobswětowa skupina pod třěchu Zele­neje ligi informuje, dyrbješe zarjad hižo do toho přiznać, zo njeje so dotal poradźiło tomu zadźěwać, zo so woda z Pynowskeho jězora blisko brunicoweje jamy zhubja. Wobkrućenje wotpokazo­waceje po­zicije je DHU předwčerawšim z podpěru Zeleneje ligi­ zapodała. Při tym nawjazuje DUH na lo­ni k terminej zapodate zna­přećiwjenje přećiwo hłownemu wobhospodarjenskemu planej Janšojskeje jamy 2020–2023.

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND