Z geomobilom docpěwaja tež njemobilnych zajimcow

srjeda, 05. meje 2021
artikl hódnoćić
(0 )
Sobudźěłaćerce geoparkoweho zarjadnistwa Ewa Brauer a Katarzyna Jagiello (wotlěwa) prezentujetej nowy geomobil.  Foto: Jost Schmidtchen Sobudźěłaćerce geoparkoweho zarjadnistwa Ewa Brauer a Katarzyna Jagiello (wotlěwa) prezentujetej nowy geomobil. Foto: Jost Schmidtchen

Mały Kólsk (JoS/SN). Geomobil Něm­sko-pólskeho UNESCO Global geoparka Mužakowski zahork su tele dny před cyhelernju w Małym Kólsku (Klein Kölzig) we wokrjesu Sprjewja-Nysa předstajili. Małobus z elektriskim ćěrjenjom, kotryž jězdźi hač do 220 kilometrow, su ze srědkami programa Interreg financowali. Wonkowne wuhotowanje wozydła je němsko-pólski team zarjadnistwa geoparka naćisnył. Wšitko praktisce zeskutkowniła je fachowa firma ze Żarow.

Derje wuhotowane laborowe a pólne wozydło skići mnohostronske zasadźenske móžnosće za projekty w přirodźe. Tak zmóžnjeja laborowe nastroje wodu, rostliny, kamjenje a pěsk přepruwować. Nimo toho su utensilije za geografiske wurywanja w Mužakowskim zahorku k dispoziciji.

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND