Kamjenscy slědźerjo truty w Njebjelčicach předstajili

srjeda, 16. junija 2021
artikl hódnoćić
(0 )
Mike Hohmann (prawo z čerwjenym shirtom) je wčera prěni trut na Njebjelčanskim sportnišću startował.  Foto: Bernd Goldammer Mike Hohmann (prawo z čerwjenym shirtom) je wčera prěni trut na Njebjelčanskim sportnišću startował. Foto: Bernd Goldammer

Njebjelčicy (BG/SN). Trutam słuša přichod. Wo tym je Peter Pfeifer z Kamjenskeho slědźenskeho a wupruwowanskeho centruma za awtonomnu a elektrisku lětańcu přeswědčeny. Cyle jasnje pytnyć bě to wčera wječor w Njebjelčanskim gmejnskim domje. Pfeifer rozprawješe tam wo technologijach trutow a wo móžnosćach jich wužiwanja. Rólu hraja wašnja ćěrjenja, zaručace nastrojam wulke dalokosće. W Kamjencu slědźa hižo na motorach z wodźikowej technologiju. „Dźe wo cyłotne nasady pod wobkedź­bowanjom ekonomiskeje, ekologiskeje a towaršnostneje naslědnosće“, wón wuzběhny.

Zo by w Njebjelčicach za mjenowane wuwiće a za zhromadne dźěło z gmejnu wabił, měješe Pfeifer wčera trutoweho pi­lota Mika Hohmanna poboku. Na te­re­nje Kamjenskeho lětanišća nastawa tuchwilu hala za twar trutow-prototypow. Tajke lětace nastroje žadaja sej wulku wěstotu, čehoždla dyrbja jich piloća wot­powědnje wukubłani być. Tež wo to so w Kamjencu hižo staraja. Wot lětušeho septembra po­ski­ća na tamnišim lětanišću kursy za trutowu „jězbnu“ dowolnosć.

wozjewjene w: Hospodarstwo
Prošu přizjewće so, chceće-li komentar podać

Serbska debata

nowostki LND