Lětsa trochu mjenje hromaka

štwórtk, 17. junija 2021
artikl hódnoćić
(0 )
Po tym zo je hromak kałany, jón nimo dalšich sobudźěłaćerjow Wiesław Polobiec z pólskeho Lubina rjedźi.  SN/Hanka Šěnec Po tym zo je hromak kałany, jón nimo dalšich sobudźěłaćerjow Wiesław Polobiec z pólskeho Lubina rjedźi. SN/Hanka Šěnec

Hózk (hh/hš/SN). Lětuša hromakowa sezona je so před dwěmaj měsacomaj zahajiła a skónči so na dnju swjateho Jana 24. junija. Michał Domanja rozprawja wo žnjach na swojim statoku w Hózku. „Wob lěto žnějemy něhdźe 4 000 kilogramow běłeho hromaka, lětsa pak to bohužel tróšku hinak wupada, tónraz je mjenje hromaka.“ Wón měni, zo zaleži to sprěnja na suchim wjedrje loni, ale runje tak na chětro zymnych temperaturach minjenych měsacow. Njebudu tuž telko hromaka žnjeć kaž w předchadźacych lětach. Sezonu cyle jednorje podlěšić pak so tež njehodźi. Rostliny trjebaja poměrnje dołho za regeneraciju, zo bychu přichodne žně dobre byli. Tež plahowanje w rostlinarni móžne njeje. Sezonu podlěšeja ratarjo hižo z pomocu čornych planow, kotrež ćopłotu składuja, z běłymi zrawjenje trochu do dołhosće ćahnu.

wozjewjene w: Hospodarstwo
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND