Za ratarstwo wobdarjeni

štwórtk, 17. junija 2021
artikl hódnoćić
(0 )
Hdyž hromak plahuješ, dyrbiš tójšto wobkedźbować. Jón z wosebitym gratom kałać njeje runjewon lochka naležnosć. Pomocnicy na polach Domanic ratarskeho předewzaća w Hózku, kaž tule Sylwia Polobiec z pólskeho Lubina, to zdokonjeja. Hdyž hromak plahuješ, dyrbiš tójšto wobkedźbować. Jón z wosebitym gratom kałać njeje runjewon lochka naležnosć. Pomocnicy na polach Domanic ratarskeho předewzaća w Hózku, kaž tule Sylwia Polobiec z pólskeho Lubina, to zdokonjeja.

Domanic swójba z Hózka dźiwa na produkciju strowych wudźěłkow

Hižo wot 18. lětstotka je burski statok w Hózku we wobsydstwje Domanic swójby. Po towaršnostnym přewróće bě so swójba wo to postarała, zo jej něhdy swójske płoniny prodrustwa wróćichu. Michał Domanja natwari sej na to wikowanske předewzaće, kotrež přez lěta dale a bóle rozšěrješe. 1998 natwari sej prěnju wulku rostlinarnju za kórki a tomaty. W lěće 2004 je syn Matthias z mandźelskej Claudiju statok přewzał.

W Domanic předewzaću maja 25 při­stajenych, dźěl pochadźa z Pólskeje. ­Wšojedne dokal hladaš, wšudźe su pilni a kmani dźěłaćerjo. Hižo 15 lět dźěłaja tam tež angažowani ludźo z ćělnym abo duchownym zbrašenjom. „Zbrašeni naše předewzaće wobohaćeja“, měni Michał Domanja.

wozjewjene w: Hospodarstwo

Galerija

dalši wobraz (1) Pod biowuměnjenjemi plahuja w swojej rostlinarni słódne družiny kórkow a tomatow. Kupcy na wikach sej Domanic zeleninu chwala.
dalši wobraz (2) We wobchodźe předawa mjez dalšimi Ines Kowalski předewšěm zeleninu, kwětki, ale tež mjaso skotu, kotryž Domanicy sami plahuja. SN/Hanka Šěnec
dalši wobraz (3) Stajnje hibićiwy Michał Domanja wjele po ratarskim zawodźe kolesuje.
Prošu přizjewće so, chceće-li komentar podać

nawěšk