„Zamkar dyrbi hotowy allrounder być“

póndźela, 02. awgusta 2021
artikl hódnoćić
(0 )
Enrico Suchi a jeho nan Jan (wotprawa) zhladujetaj ze sobudźěłaćerjemi na 30lětne wobstaće swojeje Róžeńčanskeje awtozamkarnje. Minjeny pjatk přijimachu tam wšitcy wjele zbožopřećow.  Foto: Feliks Haza Enrico Suchi a jeho nan Jan (wotprawa) zhladujetaj ze sobudźěłaćerjemi na 30lětne wobstaće swojeje Róžeńčanskeje awtozamkarnje. Minjeny pjatk přijimachu tam wšitcy wjele zbožopřećow. Foto: Feliks Haza

Po politiskim přewróće su mnozy składnosć wužili a so zesamostatnili. Mjeztym móža woni na 30lětne wobstaće swojeho zawoda zhladować. Jedna z tychle firmow je Suchec awtowa zamkarnja w Róžeńće.

Róžant (SN/MWj). Nic kaž zwučene zynki awtow a motorskich su minjeny pjatk pola Suchec w Róžeńće słyšeć byli, ale wólna bjesada mnohich zajimowanych wjesnjanow a zajimcow z druhich kónčin. Woni běchu přišli gratulować k 30lětnemu wobstaću znateje a woblubowaneje jězdźidłoweje zam­karnje. Wjele zbožopřećow a słowo dźaka móžachu załožer firmy Jan Suchi, jeho syn a dźensniši šef Enrico kaž tež štyrjo dalši přistajeni přijimać.

Hižo za čas NDR je Jan Suchi doma po swjatoku Trabije, Wartburgi a motorske typa MZ porjedźał. Dokelž na jeho dźěłowym městnje w Kamjencu hižo dosć dźěła njebě, wón swój wotpohlad zwoprawdźi a so 1991 zesamostatni. Za to trjebaše wosebitu dowolnosć, dokelž te­hdom hišće žane mišterske wukubłanje njeměješe. Te je 1994 nachwatał. Runočasnje je nowa zamkarska hala nastała. Wot wšeho spočatka syn Enrico nanej pomhaše, krok po kroku přistajichu dalšich ludźi.

wozjewjene w: Hospodarstwo
Prošu přizjewće so, chceće-li komentar podać

nawěšk

nowostki LND