Budyšin/Zhorjelc (SN/BŠe). Po cyłej Němskej maja zajutřišim šmóratka a sireny wótře warnowanje signalizować. Zwjazkowy zarjad za škit ludnosće a pomoc před katastrofu (BBK) w Bonnje zarjaduje štwórty raz warnowanski dźeń. Po systemach na šmóratkach dyrbja ludźo alarm dóstać. Tež w telewiziji, radijach a na informaciskich taflach w městach chce zarjad ludźi warnować.
Tež Budyski a Zhorjelski wokrjes wobdźělitej so zajutřišim na cyłoněmskim warnowanskim dnju. Připołdnju w 11 hodź. ma so warnowanje wobydlerjam signalizować. Zaměr zwučowanja je, ludźi sensibilizować. Tohorunja chcedźa zamołwići warnowansku infrastrukturu testować. To dźě njeje minjene lěta bjezporočnje fungowało.
